Allen (et)c(etera) borg(er)meeste(re)n scepen(en) (et)c(etera) doen/ condt ende te wetene dat opten dach van/ heden voir ons come(n) is in prope(re)n p(er)sone/ katlijne sanders docht(er) wijlen willems/ tsanders weduwe wijlen gheerts thuys cu(m)/ tuto(r)e Ende heeft mechtich gemaict en(de)/ volcomen ende om onwederroepelike macht/ gegeven (christ)iane vand(er) borch woenen(de) te/ bruessel inde warande onss(en) gened(ichs) hee(re)n/ ts(er)toghen o(m)me in hue(re)n name en(de) van
//
hue(re)n weghen te compare(re)n voe(r) de eerbe(re) en(de)/ voirsienige heere de scepen(en) der stadt van/ bruessel voirs(creven) en(de) voe(r) de gronthe(r)en dair/ toe dienen(de) en(de) behoorende Ende aldair/ te cederen(e) te transporte(re)ne opte draghene/ en(de) over te gheven(e) met wettiger verthyenissen/ tot behoef vand(en) kinde(re)n wijlen willems/ de raet alsulken twee chensgulden(en) jairlijcx/ en(de) erffelicx cheins half te sintjans(mis)s[e] en(de)/ half te kers(mis)s[e] te betalen(e) als de voirs(creven) katlijne/ tsanders heeft op eenen hof gelegen ter/ capellen bemden die ziekeluden van obbruessel/ acht(er) den wolf tusschen den hof ondergescreven/ in deen zijde en(de) de goede wijlen gielijs/ de coste(re) in dande(re) Item ende op eenen/ hof gelegen aldair neven den voirg(eruerde) hof/ in deen zijde en(de) de goede wijlen gielijs/de coste(re) in dande(re) jans de decke(re) die/ d(air) nae waren wijlen gielijs uten brueke/ in dande(re) en(de) daer toe allet recht actie/ en(de) deel die de voirs(creven) katlijne tsanders/ inden voirs(creven) gront vand(en) eenen heeft oft/ e(n)nichssins soude moegen hebben de pe(n)ni(n)gen/ dair af noch onbetaelt uutstaen(de) opte/ bue(re)n en(de) tontfangen(e) quitan(cie) d(air)af te geven(e)/ de voirs(creven) kinde(re) tsraets oft yeman(ne) anders/ hue(re)n behoef inde voirs(creven) twee chensgulden(en)/ erffelic en(de) inde actie recht en(de) deel/ voirs(creven) terven(e) en(de) te gueden(e) doude/ brieve(n) met alle den rechte en(de) bescheede/ die de voirs(creven) constituante d(air) inne en(de) af/ heeft ov(er) te geven(e) Ende voirt d(air) inne/ en(de) met te doen(e) na zeede en(de) costume/ der voirs(creven) stad van bruessel dat de voirg(enoemde)/ constituante d(air) inne selve soude moighen
//
doen op dat zij jegewoirdich en(de) in p(er)soen/ wae(re) Geloven(de) deselve constituante in/ goed(er) trouwen opt verbont van allen hue(re)n/ goeden jegewoirdige ende toecomen(de) tot ewigen/ daighen voe(r) goet vast van weerde en(de) onv(er)breckelic/ te houden(e) allet ghene des bijd(en) voirg(enoemde) (christ)iane/ de greve in des voirscr(even) steet gedaen oft in/ e(n)niger manie(re)n voirtgekeert sal wordde(n) sonder/ e(n)nich wedersegge(n) Ende des torcond(en) (et)c(etera) cor(am)/ buetsele naen febr(uarii) xxi