Cond zij allen lieden dat jan van outgaerden/ en(de) alijt van coelhem zijne huysvr(ouwe) woenen(de) te/ hoxhem in p(rese)ncia hebbe(n) genomen en(de) bekint/ genomen te hebben(e) tegen symoen(e) de decke(re)/ en(de) gielijse de mu(n)te(re) als procur(ator)s vand(en) drie/ cleynen heilige geesten bynnen loeven(en) te weten(e)/ van s(in)[te] machiels van s(in)[t] jacops en(de) s(in)[te] qui(n)tens/ een boender lants den selven tafele(n) toebehoiren(de)/ gelegen inde p(ro)chie van cumptich bij hoxhem/ opt zegelberch velt in twee stucken aldair/deen [deen houden(de) een half boend(er) gelege(n) tusschen de goede der cap(it)len van thiene(n) en(de) des goidsh(uys) van vrouwe(n) p(er)cke en(de) dand(er)] houden(de) oic (½) boender gelege(n) tusschen/ de goede der cap(it)len en(de) sgoidsh(uys) voirs(creven)/ Te houden te hebben van des(en) half m(er)te nu/ tegewoirdich eene(n) t(er)mijn van negen jae(re)n/ lang due(re)nde e(n)p(er)lijck vervolgen(de) Elcx jairs/ om en(de) voir xii halste(re)n corens pag(abilis)/ cu(m) va(n)no mate van thiene(n) en(de) pacht van
//
cumptich alle jae(re) s(in)[t] andriesmisse ap(oste)ls te betalen(e)/ en(de) te loeven te leve(re)n elker taflen tderdel quol(ibe)t/ ass(ecutu)[m] Ende dyerste betalinge inne te gaen(e) van s(in)[t]/ andr(iesmiss)[e] naistcomen(de) over twee jair daer naest volgen(de)/ met cond(ici)[en] dat de wynnen de voirs(creven) lande wel/ en(de) loflijc sal wynnen werve(n) en(de) meste(n) gelijc/ regenoote(n) boven en(de) benede(n) ende laten tzijnen afscheide(n)/ met stoppele(n) van som(er)coren(e) ende [dese] voirweerden Eisd(em)