Alsoe als ten vervolghe claes vasont als procur(ator) willems/ van gheele geleydt zijnde nae des(er) stad rechte uut/ crachte van scepen(en) brieve(n) van loeven(en) tot allen den/ goeden beyde have en(de) erve willems lobbe en(de)/ zijnder moeder soe wair die gelegen zijn met willem(me)/ de cuype(re) vorste(r) van des(er) stadt alle desselfs willems/ en(de) [vacat] zijns moeders goede gelevert zijn geweest/ ende den selven oft sij hen dair tegen hadden willen/ oppone(re)n oft de voirs(creven) goede verantweerden dach van/ rechte op heden dienen(de) alh(ier) inde banck voir/ meye(r) en(de) scepen(en) van loeven(en) te besch(eiden) Aldair/ gheen van hen noch procur(ator) van hu(n)nen wege/ en es gecompareert den voirs(creven) geleydden compare(re)nde/ en(de) trecht voirt versueken(de) Soe hebben scepen(en)/ van loeven(en) ierst aengehoirt den voirs(creven) willem(me)/ vorste(r) die cleerde bij zijnen eede de leveri(n)ge en(de)/ dach besch(eidinge) behoirlijc gedaen te zijne ter maniss(en)/ smeyers gewesen met vo(n)nisse dat men den/ voirs(creven) geleidden vand(en) voirs(creven) goede(n) houden/ sal inde macht van hue(re)n scepen(en) brieven/ soe verre het noch voir hen scepen(en) comen is/ cor(am) g(ra)ven borch boech(out) naen m(ar)cii xxiii