Alsoe als ten vervolge [h(er) jans de raeymake(re) als p(ro)cur(ator)] thirions olijs geleydt zijnde/ nae den rechte van des(er) stad uut crachte van scepen(en)/ brieve(n) van loeven(en) tot allen den goeden beyde have/ en(de) erve pierarts del porte soe wair die gelegen/ zijn met brieve(n) van des(er) stad gescreven es geweest/ aen den meye(r) van braine laloe oft sijnen stadhoude(r)/ alle de selve goede te leve(re)n en(de) te doen volgen den voirs(creven)/ geleidden oft den bring(er) ons(er) brieve(n) in zijne(n) name/ Ende den voirs(creven) pierart oft hij he(m) dair tegen/ hadde wille(n) oppone(re)n dach van rechte alh(ier) te com/ pare(re)n inde banck voir meye(r) en(de) scepen(en) van loeven(en)/ doen bescheiden ald(air) de voirs(creven) pierart oft nyema(n)t/ van zijnen wege en es gecompareert den voirs(creven)/ geleidden compare(re)nde en(de) trecht voirts v(er)sueken(de)/ Soe hebben de scepen(en) van loeven(en) yerst aengehoirt/ ja(n)ne dridoens bode te voete van des(er) stad die cleerde/ bij zijnen eede dat de voirs(creven) leveri(n)ge en(de) dach/ besch(eydinge) ten huyse des voirs(creven) pierarts aen zijn huysvr(ouwe)/ behoirlijc geschiet te zijne ter maniss(en) smeyers/ gewesen met vo(n)nisse dat men den voirs(creven) geleidde(n)/ vand(en) voirs(creven) goeden houden soude inde macht van/ zijnen scepen(en) brieve(n) beleidde soe verre het noch/ voir hen scepen(en) comen is In scampno cor(am) o(mn)ibus/ dempto graven naen april(is) xxvii