Cont zij allen lieden dat robbeert ke(n)nens sone wijle(n)/ gielijs woenen(de) te gheelrode in p(rese)ntia heeft genome(n)/ van h(er) ja(n)ne van welmont proeft en(de) h(er) woute(re)n/ van hove cante(r) der kercken van arsschot de thienden geh(eeten)/van de gheelroeysche ende boenewijtsche thiende den/ voirs(creven) hee(re)n ende h(er) gheerde kymp p(er)soen tot arsschot/ toebehoiren(de) dien sij hier inne gelove(n) te vervangen(e)/ Te hebben ende te gebruyken dit tegewoirdich jair/ va(n) xcii ende niet lange(r) voir en(de) o(m)me Te/ weten(e) de gheelroysche thiende achthien mudden en(de) / een halster rogs Ende de boenewijtsche thiende om/ sesse mudden ende vijff halste(re)n rogs goet en(de) payabel/ met wa(n)ne en(de) vede(re)n wel bereyt der mate(n) van/ arsschot en(de) tot arsschot te leve(re)n sint andr(ies)[e] ap(oste)ls/ en(de) vollevert te zijne te lichtmisse naistcomen(de) Te/ weten(e) deen helicht van al den voirs(creven) proeft/ en(de) dander helicht half den voirs(creven) cante(r) ende/ dande(r) helicht van dier helicht den voirs(creven) persoen quol(ibe)t ass(ecutu)[m]/ Met vorweerden dat de robbeert leve(re)n sal tsijnen/ affscheyden(en) den voirs(creven) hee(re)n acht mandelen stroots de/ vier mandele(n) den voirs(creven) proeft ende dander vier/ mandelen den voirs(creven) cante(r) ende p(er)soen It(em) dat de/ voirs(creven) robbeert gheen coren vanden voirs(creven) thienden/ comen(de) vercoopen noch verthie(re)n en sal de voirs(creven) / hee(re)n en sulle(n) tyerst sijn betaelt en(de) vollevert/ Ende alle dese vorweerden (et)c(etera) Ende hier voe(r)/ sijn borghen [des voirs(creven) robbeerts] als pri(n)cipale ind(ivisim) margriete goirts/ wed(uw)[e] svoirs(creven) wijle(n) gielijs ke(n)nens en(de) moeder des/ voirs(creven) robbeerts ende gielijs de clerck woenen(de)/ te gheelrode Et p(ri)mi(us) duo insup(er) p(ri)mus/ cor(am) lyefke(n)rode hoeven junii xxv