Tusschen janne vand(er) rijt geheete(n) kempene(re)/ hantwerke(r) en(de) marien zijne(n) wive die ov(er)mits/ seke(re)n anteringen van malcande(re)n gescheyde(n) wae(re)n/ es bijden rade vand(er) stadt nae informacie/ d(aer) op verhoert uutgesproken getermineert en(de) / hen gelast opde correctie vand(er) stad dat zij bij
//
malcande(re)n come(n) en(de) blive(n) sulle(n) elc van hen inne?/ bring(en)? dat hij uutgedrage(n) heeft ende dat zij/ voirtaen hen drage(n) in peyse en(de) vrede als man/ en(de) wijf behoeren en(de) sculdich zijn te doen(e)/ mer verclae(re)n soe verre e(n)nich van hen die/ contrarie doet dat de gebreckelike sal wordde(n)/ gecorrigeert ten exemple van anderen in (con)s(ili)[o]/ aug(usti) xvii