Alsoe als ten vervolghe h(er) jans henry/ priest(er)s voir he(m) selve(n) en(de) voir zijne(n) bruede(re)n/ en(de) suste(re)n die met scepen(en) brieve(n) van/ loeven(e) geleydt zijn voir hun wettich/ gebreck tot allen den goeden beyde have/ en(de) erve jans [wilen] favetrop laisne [des ouden] soe wair die/ gelegen zijn gescreven es geweest met/ brieve(n) van des(er) stadt aen den meye(r) van/ dongelbeert oft zijne(n) stadhoude(r) aldair/ en(de) versocht zee(r) ernstelijc alle de voirs(creven) jans goede te leve(re)n en(de) te doen volgen den/ den voirs(creven) geleydden oft den bring(er) ons(er) brieve(n)/ in zijne(n) name Bij alsoe oft de selve jan le favetrop sone/[des voirs(creven) wile(n) jans] hen dair tege(n) hadden wille(n) oppone(re)n/ dach van rechte op heden dienen(de) te bescheyden(e)/ Aldair hij noch nyema(n)t van zijne(n) wegen/ en es gecompareert den voirs(creven) geleydden/ compare(re)nde en(de) trecht voirts versueken(de)/ Soe dat scepen(en) van loeven(e) ter maniss(en)/ smeyers gewesen hebben met vonnisse/ nae dien hen behoirlijc gebleken heeft/ bij rescripte [cleerniss(en)] cornelijs reyns bode te voete/ van des(er) stadt de voirs(creven) leveri(n)ge en(de) dach/ besch(eydinge) behoirlijc geschiet te zijne datmen/ den voirs(creven) geleydden vand(en) voirs(creven) goeden/ houde(n) sal inde macht van hue(re)n scepen(en) / brieve(n) soe verre het noch voir hen/ scepen(en) comen was in scampno/ cor(am) o(mn)ibus dempt(is) hoeve(n) buetsele/ septembr(is) xxii