Item jan woyts sone wijlen henricx woenen(de)/ te bethekem in p(rese)ncia heeft gehuert en(de) bekint/ gehuert te hebben(e) tegen aelbrechte tants rintm(eeste)r/ vande(n) groote(n) heylige(n)geeste te loeven(en) een eeussele/ gelegen te bethekem bijder rivie(re)n ald(air) geheete(n) dboeschot/ eeussele dwelc henr(ic) bilien gehouden heeft in/ pechtingen Te houden te hebben en(de) in hueri(n)gen/ te besitten van half m(er)te lestleden eene(n) t(er)mijn/ van sesse jae(re)n lang due(re)nde deen nae dande(r)/ sonder middel vervolgen(de) Elcx jairs dae(re)n/ bynnen om en(de) voe(r) veertich hollan(sche) gulden(en)/ te xvi stuv(er)s tstuck alle jae(r) deen helicht/ dair af te kersmisse ende dande(r) helicht/ te paesschen te betalen(e) den voirs(creven) t(er)mijn due(re)nde/ quol(ibe)t ass(ecutu)[m] Item is voirweerde oft dair/ e(n)nigen chijs uut gaet dat de wyn dien v(er)leggen/ sal en(de) dat sal hem afslach doen in zijne/ betalinge Mer hij moet die(n) soe in tijts betalen/ dat dair gheen schade op en gaen en(de) waert/ dat dair e(n)nige willige(n) verdroechden die/ sal jan hebben mair sal voe(r) elke willige/ gehouden zijn te planten twee poten en(de) die/ soe verwa(r)en dat de beesten dair ane gheen/ scade en(de) doen Ende vort op alle voirweerde(n)/ en(de) condicien de kinde(re)n peters dien h(ier)/ voirmaels gehouden hebben Item aengaen(de)/ den dijcke sulle(n) aelbrecht en(de) de wynne/ ov(er)come(n) met malcande(re)n ende hem inne/ staen en(de) inde hue(r) houden tegen henr(ick)/ bilien Ende alle dese voirweerde(n) (et)c(etera)/ cor(am) buetsele boechout m(ar)cii xviii