Alsoe als ten vervolghe arnts van vroenhove(n) als procur(ator)/ van jeha(n)ne vand(er) veken(en) wed(uw)[e] pet(er)s wijlen vand(er)/ zijpe die met scepen(en) brieve(n) van loeven(en) onlanx gepasseert/ heeft en(de) houden(de) es aen en(de) op de goede nae bescreven/ sesse rinsgulden(en) erflijck met brieve(n) van des(er) stad/ gescreve(n) es geweest aen de meye(r) van zichen(en) oft zijnen/ stadhoude(r) te waenrode ende versocht zee(r) ernstelijck/ alle de selve goede met gaeders den haeflijken goeden/ dair op wesen(de) den proprietar(is) vand(en) gronde toebehoiren(de)/ te leve(re)n en(de) te doen volgen der voirs(creven) wed(uw)[en] oft den/ bring(er) ons(er) brieve(n) in hue(r) name ende de wed(uw)[e] en(de)/ kinde(re)n des voirs(creven) wijlen jans hue(r) wynne(n) en(de) pechtene(re)n/ oft zij hen dair tegen hadde(n) wille(n) oppone(re)n dach van/ rechte op heden dienen(de) alhier te compare(re)n inde banck/ voir meye(r) en(de) scepen(en) van loeven(en) te bescheyden(e)/ aldair gheen van hen noch procur(ator) van hue(re)n weg(en)/ en compare(re)nde den voirs(creven) geleydde(n) compare(re)nde en(de)/ trecht voirts versueken(de) Soe hebbe(n) de scep(enen) van loeven(en)/ nae dat hen behoirlijc gebleken heeft bij rapporte baudewijns/ bellens bode te voete van des(er) stad die cleerde bij zijne(n)/ eede de leveri(n)ge en(de) dach besch(eidinge) nae inhout sbriefs geschiet/ te zijne ter manissen smeyers gewesen met vo(n)nisse/ dat men den voirs(creven) geleydde(n) vand(en) voirs(creven) goede(n) houden/ sal inde macht van hue(re)n scepen(en) brieve(n) soe verre het/ noch voir hen scepen(en) comen was In scampno cor(am) o(mn)ibus/ dempt(o) pynnock maii vii