Item jan van arschot henrick crassarts goort/ pols en(de) henrick vand(er) moele(n) als scepen(en)/ dorps vand(er) sluysen in p(rese)ncia hebben open/ baerlijck getuygt en(de) vercleert dat jan lyebeerts/ als gemechticht en(de) procur(ator) m(ijn) hee(re)n van meylhem/ ende is come(n) mette(n) meye(r) en(de) scepen(en) voirs(rcreven)/ tot eenen stucke lants gelegen dat plach wijg(ar)t/ te sijne gelegen ter sluysen voirs(creven) tusschen/ shee(re)n wijng(ar)de op deen en(de) claes bo(n)e companis/ op dande(r) zijde Item eender plecke(n) hoefs dair/ een huys plach op te staen(e) toebehoiren(de) wijlen/ henr(ick) vand(er) noyen gelegen te houthem bij shee(re)n
//
strate aldair Item tot eenen beempde houden(de) omtrint/(½) boender paulo gelege(n) voir de moele(n) ter sluysen/ tusschen de molebeke op deene en(de) derfgenamen wout(er)s/ brieders op dande(r) zijde Item tot eenen huyse en(de) hove/ aldair gelege(n) bijde plascoute? aen tcruysken tusschen de/ gemeyne strate aldair op deene en(de) derfgenamen/ wout(er)s voirs(creven) op dander Item noch tot eene(n) huyse/ en(de) hove toebehoiren(de) marie roesen tusschen de beempden/ shee(re)n vand(er) sluysen op deene en(de) de strate geheeten/ de camstad op dander zijden croonen(de) en(de) clagen(de)/ voe(r) seke(re)n grontchijs die de voirs(creven) hee(re) van meylhem/ opde voirs(creven) goede heffen(de) is dair af hij in gebreke/ was van betalingen navolgen(de) zijne(n) reg(ist)re Ende/ riep aldair voirt woute(re)n wijlen van ijssche en(de) zijne(n)/ erfgename(n) henr(ick) wijlen v(er)noyen erfgename(n) en(de) den/ p(re)laet sgoidsh(uys) van vlierbeke den erfgename(n) willems/ wijlen van aersschot en(de) den mo(m)boirs van ons(er)/ vrouwe(n) capelle(n) vand(er) sluysen den erfgename(n) roelofs/ wijlen vand(er) eycken en(de) den mo(m)boirs voirs(creven) marie(n)/ roese en(de) den erfgename(n) baudewijns henry ende/ alle ande(re) die hen rechts totte(n) voirs(creven) goede(n) souden/ vermeten geleydde en(de) ande(re) zij wae(re)n bynnen lants/ oft buyten lants en(de) daigde alsoe opde voirs(creven)/ goede met dagen en(de) hoefs rechte en(de) de conde/ dair af behoirlijck met rechte gedaen ende allen/ p(ar)tien dach bescheydden van dien dage in xv dagen/ nae der noenen metter zonnen met coste en(de) co(m)me(r)/ Te welcken dage de voirs(creven) jan opden gront compa/ reerde en(de) wachte aldair oft hem yemant betali(n)ge/ hadde willen doen van zijnen wettigen gebreke/ ende den costen en(de) lasten dair op gedaen alsoe/ dat nae rechte behoirde ende heeft de voirs(creven)/ jan inden name als voe(r) alsoe vort ten tweesten/ ten derden van rechte en(de) vierden dage van gracie(n)/ met veranderi(n)gen van scepen(en) voirs(creven) behoirlijck/ en(de) met rechte gecroent gedaigt en(de) gewacht
//
en(de) den voirs(creven) p(ar)tien en(de) allen ande(re)n altijt voirtgeropen/ soe nae recht behoirde bynnen welcken vie(r) dagen/ en(de) wachte(n) niemant gecompareert en is om den voirs(creven)/ ja(n)ne van zijne(n) gebreke inden name als voe(r) betali(n)ge/ en(de) hantvullinge te doen(e) den selven ja(n)ne als voe(r)/ altijt compare(re)nde en(de) trecht voirts versueken(de)/ Ende de voirs(creven) scepen(en) van hue(re)n meye(r) ten v(er)sueke/ des voirs(creven) jans gemaent zijnde ende hen berade(n)/ hebben(de) hebben gewesen met vo(n)nisse alle de ghene/ die jongher actie hebben dan de voirs(creven) jan inden name/ als voe(r) en(de) met rechte is laten weten ute(n) voirs(creven)/ goede(n) Ende den voirs(creven) ja(n)ne dair inne qui hec/ rogan(tes) quod faciu(n)t graven buetsele junii xx