Nae dien willem van leefdale als p(ro)cur(ator) hee(re)n/ en(de) meest(er) jans van cruyni(n)g(en) geleyt zijnde nae/ des(er) stad recht voir sijn wettich gebreck uuyt/ crachte van scepen(en) brieven van loeven(en) tot allen/ den goeden beyde have ende erve wouters/ cretsart gorts quistwate(r) ende jans vanden/ berghe soe wair die gelegen sijn met eene(n)/ vorste(r) hem alle de voirs(creven) goede heeft doen leve(re)n/ Ende woute(re)n cretsart der wed(uw)[en] goirts/ quistwate(r) en(de) der wed(uw)[en] jans vande(n) berghe/ dach van rechte doen bescheyden op heden dienen(de)/ alhier te compare(re)n inde banck voir meye(r) en(de)/ scepen(en) van loeven(en) Aldair gheen van hen noch/ p(ro)cur(ator) van hue(re)n wegen en es gecompareert den/ voirs(creven) willem(me) compare(re)nde ende trecht voirts/ versueken(de) Soe hebben de scepen(en) va(n) loeven(en)/ t(er) manissen smeyers nae dat hen behoirlijc gebleke(n)/ was bij cleerniss(en) jans zeedele(re) vorste(r) de voirs(creven)/ dach besch(eidinge) gedaen te hebben(e) gewesen met/ vo(n)nisse datmen den voirs(creven) geleydden vand(en)/ voirs(creven) goeden houden sal inde macht van/ sijne(n) scepen(en) brieve(n) soe verre het noch voir/ hen scepen(en) comen is In sca(m)pno cor(am) om(n)ib[(us)]/ dempt(is) pynnock naen febr(uarii) ix