Item es te weten(e) dat de voirs(creven) jan baers heeft vand(en)/ twee sacken corens noch ande(re) vestich(eit) van pande(n) op de/ voirs(creven) twee sacken corens zijn bevesticht voir de scouth(eit)/ des abts van s(in)[te] cornelijs tot ynden en(de) zijne(n) scepen(en) tot/ cumptich Ende soe es voirweerde en(de) tussche(n) de voirs(creven) p(ar)tien/ ondersproken al eest dat de selve jan dobbel vestich(eit)/ heeft van des voirs(creven) es dat de sculde(re)n altijt met eene(n)/ betalen(e) jairlijx sulle(n) gestaen behalven soe verre e(n)nich/ gebreck gebuerde inde voirs(creven) betalinge oft dat oic/ de voirs(creven) pande den voirs(creven) ja(n)ne niet goetgenoech/ en wa(r)en dat jan in dien gevalle altijt hem sal moege(n)/ behulpen en(de) dair af kuese hebben met welken/ vand(en) voirs(creven) twee vestich(eiden) hij hem sal willen behulpen/ om tot zijnder betalingen te comen en(de) oic tot beter bewij/ senisse en(de) vestich(eit) van panden Ende ter dier meyni(n)gen/ sal desen bliven onder scepen(en) Eisd(em)