Item henri parijs dit cathon woenen(de) ter plaetsen/ geheete(n) honquida inde p(ro)chie van roulxmiroir en(de)/ m(ar)griete dit ruwelle en(de) zijn huysvrouwe in p(rese)ncia/ heeft genomen en(de) bekint genomen te hebben(e) tegen hee(re)n/ ja(n)ne pyeders voir hem selve(n) en(de) als procur(ator) jouffr(ouw)[en]/ katlijnen vand(en) berghe wed(uwe) lod(ewijcx) wijlen van schoe(re)/ alle alsulke wy(n)nen(de) lande en(de) bosschen als zij liggen(de)/ hebben inde prochie van roux miroir dongelberghe/ en(de) dair omtrint soe verre henrick vand(er) dijlen voe(r)/ ernoul de nont en(de) lambeert de desain die gehouden/ hebben Te houden(e) te hebben(e) en(de) te wy(n)nen van uut/ ganck meye naistcomen(de) eenen t(er)mijn van tweelf/ jae(re)n lang due(re)nde deen nae dande(r) sonder middel/ vervolgen(de) Elcx jairs dae(re)nbynne(n) om en(de) voe(r) tweelf/ mudden rox goet en(de) payabel cu(m) va(n)no mens(ur)e lovan(iensis)/ alle jae(r) s(in)[t] andries(mis)s[e] ap(oste)ls te betalen(e) en(de) te loeven(en) te/ leve(re)n den voirs(creven) hee(re)n ja(n)ne en(de) lod(ewijcke) quol(ibe)t ass(ecutu)[m] Met/ condicien en(de) voirweerden h(ier) inne ondersproken dat/ de voirs(creven) wynne alle den hee(re)n chijs en(de) pacht uute(n)/ voirs(creven) goede(n) gaen(de) jairlijcs soe in tijts betalen sal/ dat dair bij gheen scade en come en(de) dien salmen/ den selven wynne cortten aen sijnen pacht Item/ sal de voirs(creven) wynne alle de lande totte(n) selven/ goeden behoiren(de) jairlijcx zijne(n) t(er)mijn due(re)nde/ wy(n)nen werven wel en(de) loflijck asoet behoirt
//
en(de) nae zijn uuterste macht meste(n) en(de) mergele(n) ten/ meeste(n) proffijte vand(en) lande Ende ten lesten jae(r) vand(en)/ selve(n) t(er)mijne sal hij vand(en) selve(n) lande late(n) [vacat]/ vand(en) som(er)arde wel en(de) loflijc gewo(n)nen en(de) besayt/ met even(en) en(de) [vacat] braken o(m)me gedaen/ Item de vruchte(n) vand(en) wint(er)coren(en) die lambeert alsnu/ dair op besayt heeft gelate(n) sulle(n) de voirs(creven) h(er) jan/ en(de) de wed(uw)[e] ter eenre en(de) de wynne half en(de) half/ deylen en(de) inne doen en(de) soe wes des wy(n)nen deel vand(en)/ selve(n) vruchte(n) gedragen sal dat sal de selve wynne/ den voirs(creven) h(er) janne en(de) der wed(uw)[en] oprichte(n) en(de) betale(n)/ alle jae(r) een mudde dair af oft ten uutgane van/ zijnen t(er)mijne geheel des en sal de wy(n)ne dair af/ s(in)[t] andriesmisse naistcomen(de) gheene(n) pacht gheve(n) Item/ want de voirs(creven) h(er) jan en(de) wed(uw)[e] den voirs(creven) wynne/ noch geleent hebben tzijnen aencomen(e) sesthien rinsguld(en)/ te xx stuv(er)s tstuck soe es voirweerde dat de wy(n)ne/ dair af oic alle jae(r) ii rinsgulden(en) in afcorttingen betale(n)/ sal oft ten lesten jae(r) geheel dair af de wynne den kuse/ kuese hebben sal behalve(n) oft de voirs(creven) wy(n)ne de voirs(creven)/ lande in al oft in deele liet liggen ongewo(n)nen dat dan/ de voirs(creven) h(er) jan en(de) de wed(uw)[e] hue(r) voirs(creven) lande t(er)stont sulle(n)/ moege(n) aenveerde(n) en(de) hue(r) proffijt dair mede doen den t(er)mijne/ des(er) pechtinge(n) niet tegenstaen(de) en(de) dat alsdan tgeheel prest/ gevalle(n) sal sijn en(de) dair toe soude de wy(n)ne moeten/ betalen allet des hij dat jair incluys sculd(ich) en(de) tacht(er)/ soude sijn Item sal de voirs(creven) wynne de bossche(n) moege(n) houwen/ behalve(n) oft hij de lande niet liet by(n)nen eenen jae(r)/ oft twee nae dat hij eene(n) houw gehouwen hadde dat/ hij alsdan sculdich soude sijn de rechte weerde van/ dien te restitue(re)n en(de) anders niet Item sal de voirs(creven)/ wynne jairlijcx den voirs(creven) h(er) ja(n)ne en(de) wed(uwe) doen/ een corweye met zijne(n) wagen(en) en(de) p(er)den van/ eene(n) dage om lod(ewijck) ii twee mudde(n) core(n)s die hij heeft/ opde goede mycharis oft ande(re) greyn van longeville/ te loeven(en) te leve(re)n Item sal de voirs(creven) wynne ten/ leste(n) jae(r) alsoe vele stroos op de goede moeten/ late(n) als de voirs(creven) h(er) jan en(de) lod(ewijck) hem tzijnen
//
aencomen(e) leve(re)n sulle(n) Ende alle dese voirweerde(n) (et)c(etera)/ Hier voe(r) is borghe als principael ernoul parijs/ geh(eeten) catton brued(er) des voirs(creven) wy(n)nen Et p(ri)mi/ duo Cor(am) boech(out) naen junii vii