Condt zij allen lieden dat jan hubrecht sone wilen/ willems molde(r) in p(rese)ncia heeft genomen en(de)/ bekint genomen te hebben(e) van hee(re)n lodewijke/ pynnock ridde(r) hee(re) vand(er) nyeuw(er)horst tot velpen/ hoefmeest(er) ons gened(ichs)[te] hee(re)n ertshertogen ph(ilip)s/ meye(r) van loven(e) (et)c(etera) de wat(er)molen desselfs/ hee(re)n lodewijcx die hij heeft ond(er) zijn heerlich(eit)/ van moriarsart geheeten de biaukaire met/ allen hue(re)n toebehoirten Te houden ende/ te hebben van nu voortaen(e) tot I s(in)[t] jans/ misse int jair van xcvi naistcomen(de) te/ weten(e) van nu vortaen(e) tot s(in)t om en(de) voir/ twee halst(er) corens alle weken tot s(in)t/ jansmisse naistcomen(de) [toe] ende vort van s(in)t/ jansmisse naistcomen(de) alle weken de voirs(creven)/ ii jai(re)n d(air)nae volgen(de) om en(de) voir drie/ halst(er) corens mate van wavre en(de) [roggen] pacht/ soe de molen malen en(de) wynnen sal uut/genomen even(en) en(de) int hoff des voirs(creven) hee(re)n lod(ewijcx)/ te leve(re)n den voirs(creven) t(er)mijn due(re)nde quol(ibe)t/ ass(ecutu)[m] Met cond(ici)[en] ende voirw(er)den dat de molde(r)/ons hee(re) de moelen sal houden van alle/ gaen(de) en(de) rue(re)nde werke op zijnen cost be/ halven [vand(en) steene] de ca(m)men en(de) spillen die de wynne ons hee(re)/ moet houden op zijnen cost It(em) es cond(ici)[e]/soe v(er)re de voirs(creven) moelen bynnen den/voirs(creven) tijde moeste stille staen boven de/drie dagen vervolgen(de) bij gebreke van/enigen werke d(air)af ons hee(re) den last te/dragen heeft dat sal den w molde(r)/afslach doen nae gelande van zijnen/pachte [des sal de wy(n)ne ons hee(re) tgebrec t(er)stont moete(n) cundigen] It(em) sal de wynne m(ijn)s hee(re) jair/ lijcx gheven te grootvastelavonde eene(n)/ coeke geheeten wastiau soe de voir/ mold(er)s dien geplogen hebben te geven(e)
//
It(em) de molde(r) sal sculdich zijn de huysinge(n)/ vand(er) moelen te houden(e) in goeden loffe/ liken state van wande en(de) dake en(de) ande(re)n/ r(e)p(ar)atien It(em) men sal de voirs(creven) moelen nu t(er)tijt/ doen visite(re)n en(de) met goeden ma(n)nen/ hen des v(er)staen(de) en(de) wes die bevond(en)/ sal wordden arge(r) [zijnde] ten uuytgaen(e) van/ zijnen t(er)mijne dan die nu es oft bevo(n)d(en)/ sal wordden gevisiteert zijnde dat sal/ de w molde(r) moete(n) oprichten be/ halven vand(en) steene en(de) oft die/ oic bete(r) bevond(en) wordde dat sal/ m(ijn) hee(re) hen oprichten It(em) oft de molde(r)/ der moelen enige ov(er)daet ey dade oft buyte(n)/ regele maelde en(de) d(air)bij schade [der molen] dade die/ schade soude de molde(r) moete(n) dragen En(de)/ alle dese voirw(er)den (et)c(etera) Cor(am) abs(oloens) cav(er)son/ nove(m)br(is) vi