Nae dien jacop van hoilair porte(r) van des(er) stadt/ met brieven der selver gescreven aen den/ meye(re) van herent oft zijnen stadhoude(re) te ned(er)/ ijssche heeft doen ontslaen seke(r) zijn haeffelijke/ goede ten v(er)sueke jasp(er)s lesens beslagen Bij alsoe/ oft de voirs(creven) jasper den voirs(creven) jacoppe yet/ eysschen woude dat hij comen soude inde banck/ voir meye(re) en(de) scepen(en) van loven(e) tot eene(n) seke(re)n/ dage van rechte inde selve brieve(n) begrepen/ ald(air) de voirs(creven) jacop niet en es geco(m)pareert/ den voirs(creven) jasper compare(re)nde en(de) hem p(rese)nte(re)nde/ totten rechte Soe hebben de scepen(en) van loven(e)/ ter manissen smeyers gewesen met vo(n)nisse/ gelieft den voirs(creven) jasp(er) zijne p(rese)ntatie te/ doen teeken(en) dat hij dat doen mach ende/ heeft hij vorde(r) gebreck dat hij dat volge/ bijden borg(er)meest(ere) Eisd(em)