It(em) wout(er) weers ende henrick vanden/ kerchove geheeten brints scepen(en) ons/ genad(ichs) hee(re)n inde banck van kercke(m)/ hebben getuycht en(de) gecleert dat zij/ als scepen(en) metten ande(re)n hue(re)n me/ degesellen scepen(en) daer bij aen en(de) ov(er)/ geweest zijn daer aelbrecht vanden/ zaffle als meye(r) en(de) rintm(eeste)r ons genad(ichs)/ hee(re)n tshertogen inden quartie(r) van/ thiene(n) inden name vanden selve(n) ons(en)/ genad(igen) hee(re) heeft gecroont en(de) geclaicht/ op en(de) over een stuck beemps gelege(n)/ te kerckem ter plaetse(n) geheeten ghinder
//
dore tusschen der kercken beempt van kerckem/ ter eenre en(de) ons genad(ichs) hee(re)n strate te twee/ ande(r) zijden wilen toebehoiren(de) janne van hugaerde(n)/ en(de) dat voir gebreck van seke(re)n erfchijse die/ onse genad(igen) hee(re) heeft opde selve goede En(de)/ heeft ald(air) gedaicht en(de) vort geroepe(n) met/ rechte janne van hugaerden en(de) alle ande(re)/ die hen rechts v(er)meten mochten totte(n) selve(n)/ goeden Ende heeft alsoe met rechte ge/ daicht deen genechte voe(r) tweeste tderde/ en(de) tvierde van gratien en(de) altijt verwacht/ ende de conde gedaen soe dat nae recht/ costu(m)e en(de) usaige vand(er) banck behoirde En(de)/vand(en) want bynnen den selven vie(r) dag(en)/ van rechte nyema(n)t geco(m)pareert en is hem/ rechts v(er)meten(de) totten selven goeden dan/ alleene [vacat] prieste(r) der orden(en)/ van s(in)[te] augustijne als p(ro)cur(eur) en(de) gemechticht/ vanden goidshuyse vanden augustijnen/ bynnen loven(e) welc goidsh(uys) d(air)op oic hadde/ eenen sack er rogs erfpachts die den voirs(creven)/ meye(r) van zijnen voirs(creven) chijse met coste/ en(de) co(m)me(r) d(air)op gegaen v(er)nuecht en(de) geco(n)/ tenteert heeft Soe goedde de voirs(creven)/ meye(r) den voirs(creven) [vacat] tot behoef vand(en)/ voirs(creven) goidshuyse int voirs(creven) stuck beemps/ behoudelijck ons(en) genad(igen) hee(re) zijne(n) chijs/ die hij te vo(re)n d(air)aen hadde Ende zijn/ alle de voirs(creven) saken geschiet bij orlove en(de)/ manissen des voirs(creven) meyers en(de) vo(n)nissen/ en(de) wijsdo(m)me der voirs(creven) scepen(en) dwelc de/ voirs(creven) scepen(en) alsoe ov(er)bracht hebben bidden(de)/ den hee(re)n scepen(en) van loven(e) (et)c(etera) Quod/ faciu(n)t cav(er)son zande septembris xvi