Alsoe als ten vervolghe joh(anni)s vand(er) gouwen/ al(ia)s vand(en) ynde als procur(eur) der wed(uw)en hee(re)n/ jans wijlen van ranshem ridders geleyt/ zijnde nae den rechte van des(er) stad voir huer/ wettich gebreck uut crachte van scepen(en) brieven/ van loeven(e) tot allen den goeden beyde have en(de)/ erve hee(re)n wouters van brandenborch meest(er) willems/ cappart meest(er) jans vand(er) capellen claes smedeke(n)s/ wouters collarts stevens van wanghe wouters/ swilden en(de) goessen zomer soe wair die gelegen/ zijn met eenen open(en) brieve en(de) drie besloten(en)/ brieven van des(er) stad gescreven es geweest/ den eenen [aen] alle officie(re)n aen den meye(re) van halen/ oft zijnen stadhoude(re) ter nuwer. capellen aen/ den meye(re) van [vacat] en(de) aen den/ meye(re) van [vacat] Ende versocht/ zee(r) ernstelijck alle de goede des voirs(creven) hee(re)n/ wout(er)s stevens wouters en(de) meeste(re)n wout(er)s jans/ en(de) goessen te leve(re)n en(de) te doen volgen den voirs(creven)/ geleidde(n) oft den bring(er) ons(er) brieve(n) in zijnen name/ Ende de voirs(creven) p(er)sonen hue(r) erfgenamen en(de) wynnen
//
oft zij hen dair tegen hadden willen oppone(re)n/ dach van rechte te bescheyden(e) alhier te compare(re)n/ inde banck voir meye(re) en(de) scepen(en) van hoeven(e)/ op heden dienen(de) aldair nyemant van hu(n)nen/ wege en es gecompareert den voirs(creven) procur(eur) compare(re)nde/ ende trecht voirts versueken(de) Soe hebben de/ scepen(en) van loeven(e) ter manissen smeyers gewesen/ met vo(n)nisse nae dien hen behoirlijck gebleken/ heeft bij rescripte der meye(re)n vand(er) gheete(n) en(de)/ van cumptich die onder hun hant[ge]scrifte gec(er)tifieert/ hebben de voirs(creven) leveri(n)ge en(de) dach besch(eidinge) behoirlijck/ geschiet te zijne en(de) bij cleernissen gielijs eveloege/ die gecleert heeft bij zijnen eede de voirs(creven)/ leveri(n)ge en(de) dach(bescheidinge) besch(eidinge)? bijden die(n)ne(re) vand(en)/ nyewer capellen behoirlijck geschiet te zijne/ dat men den voirs(creven) geleidden vand(en) voirs(creven) goede(n)/ houden soude inde macht van hue(re)n scepen(en)/ brieven soe verre het noch voir hen scepen(en)/ comen is In scampno Eisd(em)