Item jan vander berct sone gielijs van berlair die/ hem als sinte peet(er)sman met brieven van des(er) stad/ gescreven aenden drossete slants van mechlen oft zijnen/ stadhoude(re) te berlair heeft doen uuytscriven vander/ hachten d(air) inne de voirs(creven) drossete voir kue(re)n en(de) brueken/ van h(er) heyden angetast hadde Ende in gevalle deselve/ offic(ie)r yet hadde willen eysschen dat hij dat wa(r)e/ comen doen Heeft hem de voirs(creven) sinte peet(er)sman teg(en)/ den voirs(creven) offic(ie)r te rechte gep(rese)nteert ende geaccuseert/ de contu(m)acie des voirs(creven) offic(ie)rs mits zijnd(er) non comp(ar)itien/ en(de) beg(eer)t dair op tvo(n)nisse Ende de hee(re)n sintepeet(er)sma(n)nen/ gemaent hebben gewes(en) met vo(n)nisse gelieft den voirs(creven)/ sinte peet(er)sman zijne p(rese)ntacie te doen teeken(en) dat hij/ dat doen mach In scampno p(rese)ntibus leonio de udekem/ anth(onio) abs(oloens) nethenis et scho(r)e Eodem