Item henrick moens sone wijlen willems van he(re)ntals/ woenen(de) te ghierle in p(rese)ncia heeft genomen en(de) bekint/ genomen te hebben(e) tegen henricke de keyse(re) alle alsulcken/ chijsen heerlijke rechten proffijten en(de) vervalle(n) met allen/ hue(re)n accidencie(n) en(de) toebehoirten geheeten den chijs van wed(er)gate/ den voirs(creven) henricke toebehoiren(de) alsoe de selve henr(ic) den chijs/ heffen(de) es op div(er)se goede en(de) onderpande gelegen te/ gheele te kerchove hadschot wynckelen stelen oisterloe/ liefsele poederloe larem rauwelcove(n) elsem oevelie zoerle/ nechelpoel thielen ghierle lichtert casterle en(de) rielen/ oelen onder gheele over de nethe en(de) te he(re)ntals van/ diverse moeren in alle der vuegen soe laur(eys) van mockeborch/ die gehadt en(de) bedient heeft Te houden te hebben(e)/ inne te heffen(e) optebue(re)n en(de) tontfangen van bamisse/ lestleden eenen t(er)mijn van twintich ja(re)n lang/ due(re)nde deen nae dande(r) sonder middel vervolgen(de) Elcx/ jairs dae(re)nbynnen om en(de) voe(r) de so(m)me van hondert/ rinsschegulden(en) te twintich stuv(er)s tstuc die de voirs(creven)/ henr(ic) moens dair af den den te paesschen den voirs(creven)/ henr(icke) de keyse(re) sculd(ich) sal zijn te betalen(e) jairlix/ deen helicht dair af te paesschen en(de) dande(r) helicht/ tonser vrouwen dage nati(vi)tas te betalen(e) Ende/ oic en(de) voe(r) hondert pont bote(re)n die hij oic schuld(ich)
//
sal zijn te leve(re)n den voirs(creven) henr(icke) den keyse(re) alle ja(r)e/ s(in)[te] m(er)tensmisse quol(ibe)t ass(ecutu)[m] Item es voirweerde dat de/ voirs(creven) p(ar)tien van malcande(re)n sullen moegen scheyden/ tallen tijden alst e(n)nigen van hen gelieft Behalven/ dat de gheene die alsoe scheyden wilt dat den ande(re)n/ een half jair te vo(r)en sal moete(n) cu(n)digen Ende soe/ wa(n)neer zij alsoe scheyden sal de voirs(creven) rintmeest(er)/ alle boeken rollen gesc(ri)ften en(de) bescheyde totten/ voirs(creven) chijse behoiren(de) schuld(ich) zijn over te leve(re)n/ Ende hier voe(r) es borge als principael sculde(re)/ arnoldus van kets doude renu(n)c(ians) Et p(ri)m(us)/ Heeft voirts gelooft de voirs(creven) henr(ic) bynnen/ eenen ja(r)e naistcomen(de) te bringen(e) alh(ier) voir scep(enen)/ van loeven(e) hee(re)n ja(n)ne moens prieste(r) zijnen/ bruede(r) en(de) hem in dien hebben dat hij hem oic/ voir des voirs(creven) es verbinden sal en(de) den voirs(creven)/ arnoldu(m) dair af oic gelofte doen sal van/ ontheffen(e) cor(am) abs(oloens) cav(er)son nove(m)br(is) vii