Alsoe als ten vervolghe arnts hanckart geleyt zijnde/ nae den rechte van des(er) stadt uut crachte van scepen(en)/ brieven van loeven(e) tot allen den goeden beyde have
//
en(de) erve henry heyne dit de brocteal en(de) henr(ix) bosquet/ soe wair die gelegen zijn met brieven van des(er) stadt/ gescreven es geweest aen den meye(re) van graven oft/ sijnen stadhoude(re) alle de selve goede te leve(re)n en(de) te doen/ volgen den voirs(creven) [geleydden] oft den bring(er) der voirs(creven) brieven in/ zijnen name Ende den voirs(creven) p(er)sonen oft zij hen dair/ tegen hadden willen oppone(re)n dach van rechte alh(ier)/ te compare(re)n inde banck voir meye(re) en(de) scepen(en) van/ loeven(e) doen bescheiden aldair gheen van hen noch/ procur(eur) van hu(n)nen wege en es gecompareert den/ voirs(creven) geleyden compare(re)nde en(de) trecht voirts v(er)sueken(de)/ Soe hebben de scepen(en) van loeven(e) nae dien hen/ behoirlijck gebleken heeft bij cleernissen gielijs eveloege/ bode te voete van des(er) stadt die gecleert heeft bij/ zijnen eede de voirs(creven) leveri(n)ge en(de) dach besch(eidinge) behoirlijck/ geschiet te zijne ter manissen smeyers gewesen met/ vo(n)nisse dat men den voirs(creven) geleidden vand(en) voirs(creven)/ goeden houden soude inde macht van sijnen scepen(en)/ brieven beleidde soe verre het noch voir hen scepen(en)/ comen is In scampno cor(am) abs(oloens) cav(er)son vynck zande/ nove(m)br(is) ix