Alsoe als ten vervolge hee(re)n jacops vand(en)/ breyne priesters p(ro)cur(eur) des goidshuys van/ cabbeke dat met scepen(en) brieve(n) ov(er) lang/ gepass(eer)t heeft en(de) houden(de) es aen en(de) op de/ goede hier nae bescreve(n) jans wilen diericx/ vi oude schilde met brieven van des(er) stadt/ gescreve(n) es aen den meye(re) van lynden/ oft zijnen stadhoude(re) alle de selve goede/ te leve(re)n en(de) te doen volgen den voirs(creven) p(ro)cur(eur)/ oft den bring(er) der voirs(creven) brieve(n) in zijnen/ name Ende lodewijke van maerbeke/ zijnen wynnen huerlinge(n) en(de) pechteners/ oft zij hen d(aer)tegen hadden willen oppone(re)n/ dach van rechte alh(ier) te compare(re)n inde banck
//
voir meye(re) en(de) scepen(en) van loven(e) doen/ bescheiden aldaer de voirs(creven) p(er)sone(n) niet/ en zijn geco(m)pareert den voirs(creven) p(ro)cur(eur) co(m)pa/ re(re)nde ende trecht vort v(er)sueken(de) Soe hebbe(n)/ de scepen(en) van loven(e) yerst ae(n)gehoirt/ cornelijse reyns bode te voete van des(er)/ stadt die cleerde bij zijne(n) eede de leveri(n)ge/ en(de) dachtbescheidinge voirs(creven) bijd(en) voirs(creven) meye(re)/ geschiet te zijne ter manissen smeyers ge/ wesen met vo(n)nisse datmen den voirs(creven)/ p(ro)cur(eur) houden soude inde macht vanden/ voirs(creven) scepen(en) brieve(n) soe v(er)re het noch/ voir hen scepen(en) comen es in sca(m)pno/ Cora(m) beert keersmake(re) abs(oloens) vynck septe(m)br(is) xiiii/ Hiernae volgen de goede d(aer)af/ hier vo(r)e me(n)tie gemaict es/ Ierst de ca(m)me mette(n) toebehoirten gelegen te lynden/ tusschen de goede wilen willems gaus en(de)/ jans conijn It(em) ii boend(er) beemps gelegen opde/ loe tusschen de goede wilen pet(er)s helscheviers/ en(de) jans roesele(re) It(em) i(½) dach(mael) beemps gelege(n)/ neven de wolfstrate tusschen de selve strate en(de)/ jans roosele(re) It(em) i dach(mael) beemps gelegen ald(aer)/ ter ande(r) zijden vand(er) straten tusschen de selve/ strate en(de) den wouwe(re) van ralebeke It(em) ix/ boend(er) lants geheeten wolfvelt gelegen te/ lynden tusschen de voirs(creven) strate en(de) den/ wouwe(re) geheeten wolfsvonde(r) It(em) iii boend(er)/ lants gelegen op houd(er)svelt tusschen de goede/ wilen gords de cock en(de) de strate daer/ men gaet te sweysvelt weert