Cond zij allen lieden dat denijs roebens sone wijlen/ jans woenen(de) tot eleshem in p(rese)ntia heeft genome(n)/ en(de) bekint genome(n) te hebben(e) van h(er) ja(n)ne vlas/ priest(er) p(ro)cur(eur) en(de) hee(re)n des p(re)laets van vlierbeke de/ thiende die tgodshuys van vlierbeke heeft te/ eleshem gelijc ende alsoe her henrick adams ende/ jan van bynckem die gehadt ende gehoude(n) hebben/ met oic de raepsaet thiende Te houde(n) en(de) te/ hebben van nu s(in)t jans(miss)[e] lestleden eene(n) t(er)mijn van/ drie jae(re)n lang due(re)nde deen nae dander sond(er) middel/ vervolgen(de) elx jairs dairenbynne(n) om ende voe(r)/ drie ende dertich sacken corens goets pachts pag(abilis)/ cu(m) va(n)no alsulcx als vander thiende(n) come(n) sal ende/ mate van thiene(n) alle jae(re) s(in)t andriesmisse ap(oste)ls te/ betalen(e) en(de) te thiene(n) ten huyse oft opden solde(r) dairt/ m(ijn) hee(re) oft zijne(n) p(ro)cur(eur) gelieve(n) sal te leve(re)n den voirs(creven)/ t(er)mijn due(re)nde quol(ibe)t ass(ecutu)[m] It(em) sal de voirs(creven) thiendene(r)/ m(ijn) hee(re) noch jairlijcx geve(n) s(in)t andr(iesmisse) sesse halste(re)n/ raepsaets den voirs(creven) t(er)mijn due(re)nde ende dat leve(re)n/ te thiene(n) als voe(r) It(em) sal de voirs(creven) thiendene(r) noch/ jairlijcx betale(n) in afslage vand(er) voirs(creven) core(n)pachte/ alsulk(en) ii(½) m(ud)[d(en)] corens als de capelle vand(en) bossche/ ende ii(½) m(ud)[d(en)] als de tafle van overhespen hebbe(n) opde / voirs(creven) thiende soe in tijts dat m(ijn) hee(re) oft den godshuyse/ dair bij gheene schade en geschie ende oft hij mits/ gebreke van dien beschadicht wordden sal de voirs(creven)/ thiendene(r) die schade sculd(ich) sijn te dragen(e) sond(er) afslach/ vander voirs(creven) pechting(en) It(em) sal de thiendene(r) bynne(n)/ den voirs(creven) t(er)mijne gehoude(n) sijn over te bringen(e) de p(ar)tien/ vande(n) gronde(n) ende goede(n) d(aer)op tvoirs(creven) godshuys de/ thiende heeft met goed(er) specificatie(n) van regenote(n)/ It(em) soe verre de voirs(creven) thiendene(r) bynne(n) den voirs(creven) tijde/ e(n)nige schade hadde(n) oft leden bij tempeeste hagelslage/ oft gemeyne(n) orloge dair af salle(n) hij cortsel hebbe(n)/ gelijc ande(re) hee(re)n ende p(re)late(n) van gelijke(n) doen sullen/ bove(n) en(de) benede(n) Ende alle dese vorweerde(n) (et)c(etera) Ende hier/ voe(r) sijn borge(n) henrick micken woenen(de) tatte(n)hove(n) behout/ sone des voirs(creven) thiendeneers matheus ghiels braxator
//
ende denijs helscheviers woenen(de) te kessele Ende hier/ af hebbe(n) geloeft de voirs(creven) denijs roebens ende/ henr(ick) micken den voirs(creven) matheeuse en(de) denijse/ helscheviers costeloes en(de) schadeloes tontheffen(e) insup(er)/ p(ri)m(us) cor(am) blanckairt rosmer junii xxv