It(em) henrick van daelhem sone wilen willems nu ter/ tijt raidt van des(er) stad in p(rese)ntia heeft gecleert/ bijd(en) eede die hij als raidt voirs(creven) ten aenveerden van/ sijnder offitien dede dat de wed(uw)[e] hee(re)n jans wijlen/ van ranshem ridders die heeft opt hof te daelhem/ metter moelen ende ande(re)n zijnen toebehoirte(n) voirstijts hem/ ende nu goirde stijnen ende sijnder huysvr(ouw)[en] toebehoiren(de)/ eene jairlijke erfrinte van thien goud(en) loeve(n)sche schilde/ ter eenre zijden ende de selve wed(uw)[e] ter ande(re) met/ malcande(re)n veraccordeerden ende overquame(n) ten tijde/ als de voirs(creven) goeden hem noch toebehoirden aengaen(de)/ seke(re)n diffe(re)nte dwelc zij een wijle tegen malcande(re)n/ hadden gehadt om tcortsel dat hij yesch vand(en)/ schaden ende int(er)este bij hem geleden bynnen der
//
lester orlogen ende divisien alsoe dat deselve wed(uw)[e]/ hem dair voe(r) dede alsulken cortsel gratie en(de) recompense/ dat hij dair mede als p(ro)p(ri)etar(is) der voirs(creven) goede(n) te/ vreden was Cor(am) boechout crol aprilis xiii