Cont zij eene(n) yegelijken dat henrick de cock/ gheertssone van huldenberghe in p(rese)ntia heeft genome(n)/ en(de) bekint genome(n) te hebben(e) tegen thomase de/ buekele(re) een hof geleg(en) ten rieu bynne(n) d(er) prochien/ van wave(r) geheete(n) thof bijseet metten(e) wynnen(de)/ landen beempden ende pasturaigen alsoe de voirs(creven)/ thomas en(de) gielijs sijn vader dat gehoude(n) hebben/ uuytgescheyden die hooge came(re) die welke die/ voirs(creven) thomaes uuythouden willen Te houde(n) te/ hebben ende te wynnen van half mey lestleden/ a(nn)[o] achtendeneghentich eene(n) termijn van tweelf/ ja(r)en lang due(re)nde deen nae dander sonder/ middel vervolgende en(de) met sesse ja(r)en te scheyden/ opdat den voirs(creven) gielijs oft zijne(n) sone gelieft/ oft oic den wynne ende een jair te vore(n) deen/ den ande(re)n opte seggen elcx jairs om ende voe(r)
//
veertich mudden rogs ende twee mudd(en) t(ar)wen/ waversche mate pag(abilis) cu(m) va(n)no te leve(re)n die xv/ mudd(en) rocx te loeven(e) metter voirs(creven) maten ende/ die xxv mudd(en) opt voirs(creven) hof te leve(re)n met twee/ mudd(en) tarwen quol(ibe)t ass(ecutu)[m] It(em) es vorweerde dat/ de voirs(creven) wyn noch alle jae(re) geven sal in ghelde/ vijfthien rinssche guld(en) elken guld(en) te xx st(uvers) drie/ pl(a)c(ken) voir den stuver ge(re)kent verschenen(de) jairlijcx/ te kers(miss)[e] en(de) te mey ombegrepen betaelt te hebben(e)/ sonder argelist It(em) noch es vorweerde dat die/ voirs(creven) wynne die landen laten sal ten ynde vand(en)/ voirs(creven) termijne alsoe hij die vint in zijne(n) incomen(e)/ Te weten(e) den roggen(en) art besaeyt op vie(r) getidige/ voren dair inne es sesse boende(re)n met t(ar)wen besaeyt/ die hij oick laten sal in zijne(n) afscheyden(e) den even(en)/ art besaeyt op twee getidige vore(n) dair inne/ besaeyt onderhalf mudde arweten ende twee m(ud)[d(en)]/ ghersten op drie voren die welke die voirs(creven)/ wynne oick alsoe laten sal in zijnen afscheyden/ ende die brake op een vore It(em) es onderproken/ dat die voirs(creven) wynne gheen lant en sal moegen/ hoorvruchten die leste drie ja(r)en vand(en) jairschae(re)n/ It(em) es vorweerde dat die voirs(creven) wynne jairlijx/ leve(re)n sal vierhondert walms van gemeynder grootte/ om te decken die huysinge vand(en) voirs(creven) hove ende/ alsmen die decken sal moet de wynne den werclieden/ den cost geven en(de) gielijs oft zijn sone sal die dachue(re)n/ betalen It(em) sal de voirs(creven) wynne halen allen den/ leem diemen int voirs(creven) hof behoeven sal uuytgenome(n)/ van nyeuwen wercke Voirts sal die wynne die/ huysingen houden vander onderste rijkelen nederwerts/ op sijne(n) cost cusbaerlijck van wanden It(em) sal die/ wynne alle ja(r)e moete(n) mergelen zesse dach(maelen) lants/ en(de) gielijs oft sijn sone moete(n) hem eene(n) man doen/ om den merghel hulpen te laden op des wynne(n) cost
//
ende gielijs oft sijn sone moet den man sijn dachhue(ren)/ betalen ende die wynne moet gielijse oft zijne(n)/ sone drie dagen te vore(n) laten weten wa(n)neer/ hij mergelen wilt Ende die wynne sal tweewerf/ tsjaers zijn mest uter messien vueren ende alsoe/ wel vuere(n) opt lant dat verre leyt als dat bij leyt/ slants meesten proffijte Ende die wynne sal/ allet stroo dat op dlant wassen sal te meste kee(re)n/ sonder enich dairaf te vercoopen It(em) es vorweerde/ dat die wynne alle die hoven heemigen pasturaigen/ en(de) alle ande(re) heymi(n)gen in zijnen afscheyden wel/ ende redelijck beheymt laten sal ende dair grechten/ sijn die geruymt moete(n) zijn het zij in velden oft/ in beempden ruymen sal ende desgelijcx wegen/ die gemaict moeten zijn oft geruymt sal die/ wynne ruymen ende maken sonder des voirs(creven) gielijs/ cost oft zijns soens It(em) die wynne sal betalen/ alle jare den hee(re)n cheins die uuyter voirs(creven) erve/ gaet gedragen(de) tusschen de v ende vi st(uvers) metten/ vlasse ende omtr(int) i mol(evat) have(re)n sonder gielijse oft/ zijnen sone dair schade oft last af te hebben(e) Ende/ oft dair cost oft last af quame dat soude sijn te schade/ ende te laste vand(en) voirs(creven) wynne sonder gielijse/ oft zijnen sone dair yet af te cortten(e) aen die pachtinge/ It(em) es vorweerde ende ondersproken dat die voirgenoemde/ wynne betalen sal alle jare den erfpacht ende rente/ uuyt den voirs(creven) hove gaende sonder gielijs oft sijns/ soens schade ende gielijs oft thomaes sijn sone sullen/ den wynne dat afcortten aende pachtinge It(em) noch/ is vorweerde ofter e(n)nige schade quame aen die vruchte(n)/ opt velt staende opte gelabourde coute(re)n van viere/ dat uuyter lucht compt geheete(n) blixeme dat dan/ die wynne sal laten weten gielijse oft zijne(n) sone/ bynnen drie dagen nae die tempeeste Ende aen
//
beyde zijden die p(ar)tien neme(n) sullen vie(r) goede ma(n)nen/ ende die schade estime(re)n nae lantrecht om den voirs(creven)/ wynne afschal te doene nae die gelegenth(eyt)/ vand(en) stucke alsoet geordineert sal wordden bij die/ voirs(creven) vie(r) goede ma(n)nen nae die rechte vand(en)/ lande ende gewoenten aldair ter playsen Ende/ en consten die vie(r) voirgenoemde ma(n)nen niet/ overcomen soe sullen zij dairtoe nemen meer ande(re)/ goede ma(n)nen om yegelijken ten zijne(n) te hulpe(n) r(e)chtv(er)dichlijc/ Ende opdat die wynne e(n)nigen cost oft last hadde/ van volke van wapen(en) dair af sal hem gielijs/ hulpen den cost dragen gelijck ander meesters/ hue(re)n wynne op ende neder doen sullen It(em) sal die/ wynne hebben opt voirs(creven) goet sijn berhout t(er) minster/ schaden ende gheen opgaende hout afhouwen/ aen die wynnen(de) landen mair truncken die eycken/ dat trunckeycken zijn It(em) sal die voirs(creven) gielijs/ den solder doen leggen boven die came(re) tusschen/ nu ende merte a(nn)[o] xcix Ende alle dese vorweerden (et)c(etera)/ renu(n)c(ierende) alle exceptien respijten qui(n)quernelle(n) liberteyt(en)/ oft ande(re) vrijdich(eyt) geimpetreert oft te impetreren(e)/ Et inde su(n)t fideiussores ut pri(ncipa)[les] d(i)c(t)us gerard[(us)] pater/ et martin(us) robbijns f(ilius) quond(am) jacobi a(m)bo co(m)moran(tes)/ in p(ar)rochia de overijssche et d(i)c(t)us henric(us) promisit/ eos releva(r)e Cor(am) hermeys boechout maii xxiiii