It(em) eene scheydinge ende deylinge gedaen en(de)/ gemaict zijnde tusschen henricke vanden/ berghe ter eenre pauwelse vanden berghe zijne(n)/ brued(er) ter ande(r) denijse vanden berghe brued(er)/ der voirs(creven) gebruede(re)n ter derd(er) ende lijsbetten/ vanden berghe sust(er) der voirs(creven) gebruede(re)n met/ consente wille en(de) bijsijne (christ)iaens abs huers/ mans ter vierd(er) zijd(en) vanden goeden die hen/ bleven ende v(er)storven sijn nae de doot ende/ aflivich(eyt) wijlen marien van scaetsbroeck wed(uw)[e]/ jans wijlen vanden berghe moed(er) als zij leefde/ der voirs(creven) gebruede(re)n ende sust(er) als vand(en) goeden/ die nae huer doot gebleven sijn ende/ eensdeels vanden goeden die zij tege(n) malcande(re)n/ gema(n)gelt hebben die zij over eene wijle van/ jai(r)en beseten hebben ende gedeylt hebben gehadt/ te deylen(e)/ Ierst soe sijn bleven ende gevallen den voirs(creven)/ henricke in zijnd(er) deylinge(n) ierst een half/ boend(er) lants gelegen inde p(ro)chie van ov(er)ijssche/ ter plaetsen geheeten den gheertsrode hof paulo/ tusschen de goede yweyns steve(n)s ter eenre/ ende de goede der erfgename(n) jasp(er)s eernarts/ ter ande(re) ende de strate gaen(de) vand(er) lane(n)/ tijssche weert ter derd(er) zijden It(em) een dach(mael)/ lants gelegen opten vincoert inde voirs(creven) p(ro)chie/ tusschen de goede des voirs(creven) yweyns ter eenre/ en(de) der weduwen gheerts van scaetbroeck/ ter ande(re) It(em) een beemdeken alsoet belege(n)/ is inde scaetbroeckstrate omtrint een dach(mael)/ tusschen de goede van scaetbroeck ter eenre/ de goede des voirs(creven) yweyns steve(n)s ter ande(re)/ ende de strate ald(air) der derd(er) zijden opden co(m)mer/ en(de) last d(air) te voe(re)n uuytgaen(de) met condicie(n)
//
ende voirw(er)den dat nyet tegenstaen(de) der/ deylinge(n) die zij tsame(n) gedaen hebben/ s(in)t aechten rode d(air) inne in erfvoirw(er)den/ gecondicioneert ende ond(er)sproken is/ dat zij al tsamen dragen en(de) gelden soude(n)/ hue(re) chijsen uuyt hue(re)n goeden gaen(de) dat/ zij nochtan elc besund(er)t dragen en(de) gelde(n)/ sullen mits des(er) deylinge(n) elc hue(re)n/ chijs uuyt hue(re)n goeden gaen(de) Ende/ oft daer e(n)nige schade op ghinge dat elc/ de zijne dragen sal ende al eest soe dat[is vort voirweerde als vand(en)] /yeman(de) van hen e(n)nige goeden [goeden elken van hen] alhier in/ deylinge(n) vallen dat zij en(de) hue(re) nacomeli(n)g(en)/ tot ewigen dage(n) die besitten gebruyken/ en(de) hue(re)n wille d(air)mede doen sullen gelijck/ ende in ald(er) manie(re)n oft die yerste deyli(n)ge/ niet gebuert en wa(r)e hanc quoq(ue) et sat(is)/ p(ro)ut Coram pynnock borch maii xxviii