Soe sijn bleven ende gevallen der voirs(creven) weduwen/ jans wijlen amelrijcx ende hue(re)n kinde(re)n voirs(creven) in huer(er)/ deylingen de goede chijsen rinten ende pachten nae/ bescreven Te weten(e) yerst een dach(mael) lants geleg(en)
//
opden grooten couther te roosbeke tusschen de goede jans/ de welde ter eenre ende lodewijcx de mu(n)te(re) ter ande(r)/ zijd(en) It(em) tderdendeel van eenen stucke lants geheeten/ de steynen brugge tusschen de goede tsgoidshuys vand(er)/ came(re)n ende arnts zannen Item eenen beempt houden(de) seven/ vierdel geh(eeten) den heymoelen beempt tusschen de velpe t(er)/ eenre matheeus van wersbeke t(er) ande(re) ende gheerts bastarts/ ter derder zijden It(em) de helicht van eenen stucke lants/ opt thiensche velt aen den valgart tusschen die coutergrecht/ op deene en(de) de goede der erfgename(n) willems wijlen van/ berlair d(air)af de wed(er)helicht heeft de weduwe willems/ van berlaer voirs(creven) ende dit goet es eensdeels dertscoef/ ende desen scoef moet men gelijck ghelden metter selver/ weduwen van berlaer It(em) (½) dach(mael) lants opden cleynen/ couthe(r) tusschen de goeden vanden grooten beghijnhove/ te loeven(e) in beyden zijden It(em) een dachmael lants geleg(en)/ d(air)men vand(en) dorneken van cumptich te hoxhem wert/ gaet tusschen de goeden tsgoidshuys van vrouwe(n)p(er)cke/ ende gielijs robbijns It(em) noch een halster rocx erfs/ pachts op een huys ende hoff metten toebehoirten/ jans alen gelegen te roosbeke Sijn der selver/ weduwen ende kinde(re)n bleven iii(½) dach(mael) lants geleg(en)/ opt langrodevelt tusschen de goede lodewijcx de/ rijke ter eenre willems dibbout t(er) ande(re) willems/ baten ter derder en(de) h(er) jans van dyeven t(er) vierder/ zijden Item (½) dach(mael) lants gelegen opten reywech tusschen/ de strate aldair in beyden zijden It(em) xxv roeden lants geleg(en)/ opten berch tusschen de goede arts van pee ende raes de/ rijke It(em) een dach(mael) lants gelegen aende moelen tusschen/ de selve moelen ende de goede raes de rijke Item/(½) dach(mael) lants gelegen opt selve velt tusschen de goeden/ raes de rijke ende de strate aldaer It(em) een dach(mael)/ lants geleg(en) opt selve velt tusschen den grooten mole(n)wech/ ende de goeden vanden heylig(en) gheest van s(in)t jacops opde/ byest te loeven(e) It(em) (½) vierdel lants gelegen opt cleyn/ broecvelt tusschen de goeden raes de rijke en(de) cornelijs/ roelofs It(em) i vierdel lants opt selve velt tusschen de
//
goeden raes de rijke en(de) der weduwen switten It(em) noch/(½) vierdel lants geleg(en) opt tselve velt tusschen de goede(n)/ raes de rijke ende arnts van pe It(em) i vie(re)ndeel wijng(ar)ts/ gelegen opt steenwech tusschen thuys geheeten den/ zwertten lelie ende de goede des groot gasthuys te/ loeven(e) It(em) de helicht van drie huysen neven een/ gelegen inde vetterie It(em) eenen hof gelegen inde vetterie/ tusschen de goede jans van bo(m)male ende mathijs van/ arsschot It(em) de helicht van eenen stucke beempts houden(de)/ int geheele seven dach(mael) d(air)aff dander helicht heeft jacop/ amelrijcx voirs(creven) opde co(m)me(re)n ende lasten uuyten voirs(creven)/ goeden gaen(de) ten behoirlijken tijde te betalen(e) It(em) noch/ sijn den selven bleven ende gevallen tweendertich stuvers/ erflijck op een huys naist den odenvae(r) inde bieststrate/ doer de bynnen poirte It(em) xiiii stuv(er)s erflijck op eenen/ boogairt toebehoiren(de) der jouffrouwen vand(en) tymple geleg(en)/ opde ulake tusschen de dijle ende de veste aldair It(em)/ sesthien stuvers erflijck op i stuck wijngaerts arnts/ van balen gelegen opden voldriesch It(em) acht stuvers erfl(ijck)/ op eenen beempt gelegen te ricxvonde(r) It(em) een halve/ ame wijns erfs pachts op seke(re) goede wijlen arts mo(m)mairt/ geleg(en) ter hergrecht It(em) eenen bourgoensschen schilt op/ seke(re) goeden te wespelair den heyl(igen) gheest aldair toebehoiren(de)/ It(em) drie cap(uynen) erflijck ende drie oude groote opde smisse/ te herent It(em) xviii stuvers erflijck vand(en) ii(½) bourg(oensschen)/ guld(en) erflijck op seke(re) goede geleg(en) te gheertsvonde(r)/ onder werchte(r) toebehoiren(de) janne vand(en) elsbroeke Item/ vii(½) mol(evaten) rogs erfs pachts op seke(re) goede wijlen jans/ vand(en) boome geleg(en) te winxele aen tsteynen cruyce It(em)/ sesse halster rogs erfs pachts op seke(re) goede geleg(en)/ te thuydekem toebehoiren(de) gielijse van thuydekem It(em)/ noch (½) mudde rocx erfs pachts op seke(re) goede scosters/ van winxele gelegen te winxele It(em) vii(½) halst(er) rogs/ erfs pachts op vijf boende(re)n lants geheete(n) den sla(n)ge(n)poel/ geleg(en) te berthem tusschen den wech gaende van duysborch/ te loeve(n) wert ter eenre en(de) gerardus duys op dande(re)/ ende jans van boech(out) ter derder en(de) robbeerts diericx ter
//
vierder zijd(en) It(em) noch (½) mudde rogs erflijck op een boend(er)/ lants geheeten de cleyn lasendelle metter toebehoirten/ tusschen de goede jans peetersels der vrouwen vander/ voe(re)n en(de) jans van dyeven It(em) iiii(½) mol(evaten) en(de) tvijfste deel/ van eenen mol(evat) en(de) de helicht vand(en) v[te(n)] deele van i mol(evat)/ rocx erfs pachts op een bloc met huyse en(de) hove te/ cortbeke gelegen tusschen de strate te loeven(e) weert/ gaen(de) en(de) willems smismans goede It(em) noch i(½) mol(evat)/ rogs erfs pachts op (½) dach(mael) lants geleg(en) te cortbeke/ d(air)af s(in)t steven te cortbeke de wederhelicht heeft/ tusschen de st(ra)te van cortbeke te loeven(e) wert gaende/ ende des voirs(creven) s(in)t stevens goede It(em) sesse stuvers/ erflijck opden thienden beempt te roosbeke willems/ van kersbeke It(em) de ca(m)me geheeten den papegay met/ allen der toebehoirten en(de) metten huyse d(air) naist geleg(en)/ opde(n) co(m)mer d(air) te voe(re)n uuter selver ca(m)men metten ande(re)n/ huyse d(air) naest uuytgaen(de) Ende voirtmeer op v(½) peet(er)s/ tstuck te xviii stuvers mu(n)ten nu loop hebben(de) jaerlijcx/ s(in)t jans(miss)[e] te betalen(e) jacoppe amelrijcx de iii(½) d(air)aff/ ende dande(r) twee lod(ewijcke) ende sijne(n) kinde(re)n staen(de) te/ lossen(e) den d(enier) xviii elcx gedeelte smaels hanc quoq(ue)/ Cor(am) borch boechout junii xv