Cont zij alle(n) lieden dat mathijs van thuydekem sone/ wijlen jans in p(rese)ntia heeft genome(n) ende bekint genome(n)/ te hebben(e) tegen meester clase virili huys ende hof/ mette(n) wynnen(de) lande dair toe behoiren(de) houden(de) ts(ame)[n]/ deselve wynnen(de) landen xxii(½) boende(re)n geleg(en) torme(n)dale/ op de(n) driesch met oick vie(r) boende(re)n beempts oft dair/ omtrint te houden te hebben te wynne(n) ende te/ werve(n) van half merte lestleden eenen termijn
//
van tweelf jae(re)n lang due(re)nde deen nae dand(er) sonder/ middel vervolgen(de) elcx jairs dairenbynne(n) de voirscr(even)/ wynnen(de) landen elck boender voir twintich molevate(n) rogs/ pag(abilis) cu(m) va(n)no d(er) mate(n) van loeven(e) ende opde(n) selven/ gront gewassen op dats d(air) soe vele gewassen es alle/ jae(re) s(in)t andr(ies) ap(oste)ls te betalen(e) ende te loeven(e) op zijne(n)/ cost dairt meest(er) clase gelieve(n) sal te leve(re)n Ende/ de voirs(creven) beempden om ende voe(r) acht ryns guld(en)/ en(de) tweelf stuv(er)s jairl(ijcx) s(in)t mertens(miss)[e] te betalen(e) den/ voirs(creven) termijn due(re)nde quol(ibe)t ass(ecutu)[m] Behalve(n) dat de/ voirs(creven) meest(er) claes ende de voirs(creven) wyn wien het/ belieft ten halve(n) tijde sulle(n) moegen scheyden dies sal/ de ghene die scheyden wilt gehouden sijn dat den/ ande(re)n een jair te voe(re)n te cundigen It(em) es vorweerde/ dat de voirs(creven) wyn nieman(t) int voirs(creven) hof en sal moeg(en)/ setten het en sij met consente des voirs(creven) meester claes/ It(em) es voirts vorweerde dat meest(er) claes voir uuyt/ hebben sal ende behouden de erve die hij nae gecregen/ heeft van robbeerde inden pollepel ende woute(re)n/ van thienen Te weten(e) inde poirte mette(n) huyse/ en(de) bogarde om dair mede sijne(n) vrijen wille te doene/ het sij dat hij dair selve quame liggen opt dat hij/ dair yemande anders inne stelde diet in zijne(n) name/ verwaerde ende sal nochtan deselve wyn gehouden/ sijn tselve erve te weten(e) thuys mette(n) bogarde te/ bevrijen ende te bescudde(n) van alle(n) laste(n) ende schaden/ nae sijn beste gelijck sijns selfs erve Ende in gevalle/ de voirs(creven) meest(er) claes dair e(n)nige arme vrouwe/ inne sette diet hem openhielt soe sal die vrouwe/ sonder begrijp moegen houden vive oft vi hoende(re)n/ opde messie aldair It(em) want de voirs(creven) wyn de/ landen voirs(creven) in zijne aencompst bevonden heeft ind(er)/ manie(re)n hier nae volgen(de) Te weten(e) den wynt(er)art/ op vie(r) getidige voren de stortte eens o(m)megedaen/ ende de brake geheel soe es vorweerde dat de/ voirs(creven) wyn de voirs(creven) landen in sijn scheyden alsoe/ laten sal besaeyt ende geart alsoe hijse vant
//
Ende deselve landen ende goede(n) wynne(n) ende werve(n)/ wel ende loflijck gelijck regenote(n) bove(n) ende beneden/ ende grebben maken opde velden dairt best te doen(e)/ sal wesen om den vloet te wachtene dair shij sal/ conne(n) ende moegen It(em) sal de voirs(creven) wyn de/ weegen moete(n) houden ende maken dair die voirs(creven)/ goeden voe(r) gehoude(n) mochten sijn ende desgelijcx/ de grechte(n) moeten ruymen bynne(n) ende buyte(n) ende/ de grecht int elsbroeck moete(n) ruyme(n) op sijne(n) cost/ ingaens en(de) den dijck nederworpe(n) ende slichte(n) ende/ elke grecht alsoe ruyme(n) op sijne(n) cost dat die niet/ beleyt en wordde(n) wa(n)t dat op sijne(n) cost wese(n) soude/ It(em) es vorweerde dat de voirs(creven) wyn tuyne(n) sal moete(n)/ luyken int hof ende inde beempden die den hove/ toebehoire(n) dairt behoeft sonder meest(er) claes cost It(em)/ dat de voirs(creven) wyn int yerste jair stelle(n) en(de) plante(n)/ sal moete(n) vijftich poten ende die altijt leven(de) houde(n)/ ende voir elke verdroochde willige twee poten/ sette(n) vande(n) selve(n) It(em) es oic vorweerde dat de/ voirs(creven) wyn jairlijcx leve(re)n sal vijftich bussele(n) walms/ om thof ende huysen mede te deckene ende de wyn/ sal den deckers den mo(n)tcost geve(n) alsoe langhe als/ zij dair over decken ende meest(er) claes sal de dachue(re)n/ betale(n) It(em) sal de wyn de huys(en) stalle(n) ende schue(re)n/ onderhouden tsijnen coste vander onderster rijkelen/ nederwerts ende in alle oude wercken die te maken/ ende te repare(re)n sijn sal de wyn den werckluden/ den mo(n)tcost geve(n) ende den leem halen dieme(n) dair/ verwerken sal It(em) de wyn sal jairlijcx dappelboome(n)/ vande(n) groote(n) en(de) cleyne(n) boogarden moete(n) ontgrave(n)/ en(de) mesten ende de wyn sal hebben alle de ooftboome(n)/ ende willigen die dair verdrooge(n) sulle(n) des sal hij/ voir elken verdroochden boom sculd(ich) sijn te stellen(e)/ twee jonge vander selver natue(re)n It(em) noch es vorw(er)de/ dat meest(er) claes hebben sal voir sijn deel alle de vruchte(n)/ die wassen sullen inden cleynen boogart die hij/ vercregen heeft tegen robbeerde inden pollepel en(de)
//
woute(re)n van thiene(n) Ende de wyn sal voir sijn deel/ hebbe(n) alle de vruchte(n) die wassen sulle(n) inden groote(n)/ boogart en(de) de weye vand(en) groote(n) boogarde aen de/ messie mair de wyn sal dair inne gehoude(n) sijn dat/ hij meest(er) clase sijne vruchte(n) die in zijne(n) boog(ar)t wasse(n)/ sullen sal moeten te loeven(e) leve(re)n mair meest(er) claes/ sal sijne vruchte(n) selve op sijne(n) cost doen lesen ende/ de wyn de sijne It(em) es noch vorweerde dat de/ voirs(creven) wyn de pachten vuere(n) sal bynne(n) ende buyten/ loeven(e) dair meest(er) claes die sculd(ich) es It(em) de wyn/ sal gehoude(n) sijn alle de chijsen uuyte(n) voirs(creven) goeden/ gaende in tijts te betalen(e) tot sijne(n) laste in afcorting(en)/ van sijnen weyghelde It(em) es noch vorweerde als/ meest(er) claes tormendale liggen(de) heeft berhout wijn/ oft coren dat de wyn dat sal moete(n) te loeven(e) leve(re)n/ tot meest(er) claes huyse en(de) telke(n) jae(re) twee corweyen/ doen It(em) de wyn en sal gheen opgaen(de) hout moege(n)/ afhouwen dan tru(n)cken ten behoirlijken tijde gelijc/ voirwynne(n) dat geplogen hebben te doene ende/ int elsbroeck sal de pachte(r) houwe(n) alsoe dat profitelijc/ es en(de) behoirlijc es om sijn berringe jairlijcx It(em)/ de wyn sal den duyven te wynt(er)tijde sculd(ich) sijn/ teten te geven(e) als sijs behoeven en(de) dair voe(r)/ sal hij tduyve(n)mest hebben It(em) noch es vorweerde/ oft den voirs(creven) meest(er) clase beliefde te(n)nige(n) tijde/ scapen uuyt te stellen soe sal de wyn die ter helicht/ neme(n) alsoe dat gewoenlijck es te doene Item/ de wyn sal gehoude(n) sijn tsijne(n) afscheyden(en) tvoirs(creven)/ hof besaeyt ende bevreet te laten(e) soe hij dat vonden/ heeft tsijne(n) aencomen(en) en(de) al sonder argelist Ende/ alle dese vorweerde(n) (et)c(etera) renu(n)c(ians) cor(am) buetsele/ boechout julii ix