Alsoe als ten vervolge h(er) peet(er)s vandermoelen priest(er)s als p(ro)cur(eur)/ der wettiger kinde(re)n willems wijlen maes geleyt zijnde nae/ des(er) stad recht voir sijn wettich gebreck uuyt crachte van/ scepen(en) brieven van loeven(e) tot alle den goeden beyde have/ ende erve jans ende meest(er) jacops van gheele soe wair/ die gelegen zijn met brieve(n) van des(er) stad gescreven es/ geweest aenden meye(r) van sichen(en) oft zijne(n) stadhoude(r)/ tot moelenbeke ende ernstelijck versocht alle deselve goede(n)/ te leve(re)n ende te doen volgen den voirs(creven) geleydden oft/ den bringer ons(er) brieve(n) in zijne(n) name ende daneele en(de)/ ja(n)ne gebruede(re)n kinde(re)n des voirs(creven) jans in gevalle van/ oppositien dach van rechte te bescheyden(e) op heden dienen(de)/ Aldair niema(n)t van hue(re)n wegen en comp(ar)eerde den/ geleydden compare(re)nde ende trecht voirts versuekende/ soe hebben de scepen(en) van loeven(e) ter maniss(en) smeyers/ gewesen met vo(n)nisse nae dien hen gebleken was/ bij cleernissen jans dridons bode van des(er) stad de leveri(n)ge/ voirs(creven) bijden voirs(creven) meye(r) gedaen te wesen en(de) p(ar)tien/ dachbesch(eydinge) datmen den geleydde(n) vand(en) geleverde(n) goeden/ houden sal inde macht van zijne(n) scepen(en) brieve(n) soe v(er)re/ alst noch voir scepen(en) come(n) in in scampno Eisd(em)