It(em) peet(er) vander hoeve(n) sone wijlen peeters die hem tande(re)n/ tijden voir scepen(en) van loeven(e) als borghe reyneers ca(m)p(er)noels/ mette(n) selve(n) reyne(re) verobligeert heeft aen meest(er) lodewijke/ roelants voir thien rynsch guld(en) lijftochte(n) tsjaers voir/ dwelck ende om onthave(n) te wordden(e) van dien m(ijn) hee(r)/ dabt van s(in)t cornelijs tande(re)n tijden den selve(n) pete(re)n in/ handen gestelt heeft de thiende van kerckem in p(rese)ntia/ heeft gekint ende geleden dat overmits seke(re)n bekynne/ op eerghiste(re)n bijden voirs(creven) reyne(re) den voirs(creven) peete(re)n/ gedaen voir scepen(en) van loeven(e) hij tsijne(n) laste voir/ den selve(n) reyne(re) voir de voirs(creven) thien ryns guld(en)/ tsjaers sal blive(n) staen(de) behouden(de) sijn verhael alleene/ dair af opden voirs(creven) reyne(re) ende sijne goede sonder/ den voirs(creven) mijne(n) hee(r) van s(in)t cornelijs den godshuyse/ der voirs(creven) thienden van kerckem oft hue(re)n ande(re)n goeden/ in toecomen(de) tijden d(air)af yet te eysschen(e) in e(n)nig(er) manie(re)n/ quiteren(de) dair af den selve(n) mijne(n) hee(r) van s(in)t cornel(ijs)/ en(de) sijne(n) goeden ende thienden voirs(creven) Promitt(ens)/ renu(n)c(ians) non alloqui sed war(andizare) p(ro)ut cor(am) borch/ buetsele ja(nua)[rii] xviii