Vander questien gecomen voir den raide vander stad/ tusschen ph(ilips)e pypenpoy ter eenre ende jacoppe witteman/ als p(ro)cur(eur) symoens mo(m)mairt geheete(n) de cuype(r) aengaen(de)/ seke(re)n erfgoede(n) des voirs(screven) symoens ende sijnder/ medeplege(re)n dair op de voirs(creven) ph(ilip)s hadde en(de) houden(de)/ was met scepen(en) brieve(n) van loeven(en) xii m(ud)[d(en)] rogs/ erfs pachts dair voe(r) hij hem onlanx nae des(er) stad/ recht deselve goede hadde doen leve(re)n Ende nae/ dien de voirs(creven) symoen ende ande(re) hande aende selve/ goede houden(de) niet gecompareert en wae(re)n ten dage/ van rechte hen in des(er) stad brieve(n) bescheyden om deselve/ goede te verantwoirden hij die hadde doen stellen tot/ p(ro)clamatie(n) ende kerckgeboden om die op hooge(n) te v(er)pachte(n)/ Ende alsmen de kersse dair af berren soude was gecome(n)/ de voirs(creven) symoen ten uutgane vander selver berrender/ kerssen ende hadde dair voe(r) gebode(n) thien m(ud)[d(en)] en(de) 7 halst(er)/ dwelc hij gedaen hadde als de voirs(creven) ph(ilip)s seyde als/ hij sach dat de kersse valle(n) soude en(de) soe nae op duytgaen/ dat niema(n)t tussche(n) beyde gespreken en conste Seyde/ oick dat niemant om des voirs(creven) symoens wille dair/ voe(r) en hadde willen bieden Sustine(re)nde want hij/ selve erfman hier af was ende hem hadde laten contu(m)ace(re)n/ dat hij de goede alsoe niet en soude moegen op hoogen
//
wederom verpachte(n) ende myn dair voe(r) bieden dan/ den pacht des voirs(creven) ph(ilip)s gedroech want soude dat/ soe sijn soe en soude ph(ilip)s alsoe ne(m)mermeer tot zijne(n)/ principale oft acht(er)stelle come(n) gecome(n) Dwelck/ achterstel als hij seyde wel gedroech xlviii m(ud)[d(en)] rogs/ bruessels mair geliefde symoen(e) de goede taenveerden(e)/ ende hem te contente(re)n dat hij dat doen mochte ende/ dat hij anderssins de verste dair af wae(r) ende dat hij/ dair om deselve goede wederom soude moegen op/ hoogen uutgeve(n) ende dmeeste p(ro)fijt dair mede doen/ dwelc altijt ten p(ro)ffijte des voirs(creven) symoens en(de) d(er) ande(re)/ erfgename(n) comen soude gemerct dat hij ph(ilip)s die soude/ moete(n) houden op rekeni(n)ge Dair tegen symoen dede/ seggen bij sijne(n) p(ro)cur(eur) dat hij die op hooge(n) hadde/ verpacht ende dat hem die metter berne(n)der kerssen/ bleve(n) wae(re)n p(rese)nte(re)nde dat te thoene(n) ende dat die/ myn gouden dan den pacht des voirs(creven) ph(ilip)s quam bij/ dien dat de goede(n) ledich lagen en(de) ongewonne(n)/ Dair tege(n) de voirs(creven) ph(ilip)s ter contrarie(n) seyde dat ofts/ noot wae(re) dat hij wel thoene(n) soude dat die wae(re)n/ wel gewonne(n) ende dat hij die eensdeels selve/ hadde gewo(n)nen zedert dat hij inde goede gewijst/ hadde geweest p(er)siste(re)nde dair inne altijt want/ hij een erfman dair af was dat symoen met sulker/ manie(re)n van doene de goede niet en soude blive(n)/ behouden(de) ende datme(n) die wed(er)o(m)me ten hoochsten/ soude verpachte(n) ten meeste(n) p(ro)ffijte der selver goeden/ Es bijden raide vander stad get(er)mineert en(de) uutgesproke(n)/ voir recht dat ph(ilip)s de voirs(creven) goede wed(er)om sal/ moegen verpachten ende ten hoochsten uutgeven/ behalve(n) dat hij die sculd(ich) sal sijn te houden(e) op/ rekeni(n)ge soe dat nae recht behout in (con)s(ili)[o] opidi/ julii xii
//