It(em) es te weten(e) dat de voirs(creven) guedinge geschiet is/ om te vehueden ende te schouwe(n) de groote costen ende/ lasten die m(ijn) hee(re) van s(in)t g(er)truyden soude hebben moeten/ doen int uutdagen der voirs(creven) goeden dair op hij jairl(ijcx)/ en(de) erflijck heffen(de) is negen mudden rogs erfs pachts/ jairlijcx s(in)t andr(iesmiss)[e] vallen(de) Ende es vorweerde eest/ datme(n) soe bevi(n)t dat m(ijn) hee(re) e(n)nige meer panden bevint/ dan bove(n) gespecificeert staen inder guedingen voirs(creven)/ dat hij die sal moegen ae(n)veerden ende uuytwynne(n) nae/ recht Ende eest soe dat de voirs(creven) gehuysschen de/ voirs(creven) genoempde goede e(n)nichssins belast oft beco(m)mert/ hebben nae der daet vand(er) brieve vand(en) negen mudd(en)/ corens die wijlen wae(re)n negen mudd(en) corens die m(ijn)/ hee(re) oft sijne vorvorde(re)n vercregen hebben teg(en) wijlen/ meeste(re)n ja(n)ne ostonis raidt m(ijns) gened(ichs) hee(re)n (et)c(etera) dat zij/ dair voe(r) inne staen sullen ende mijne(n) hee(re) en(de) den godshuyse/ dair af warant sijn p(ro)ut oft m(ijn) hee(re) sal moege(n) bliven/ staende opt recht van sijnen scepen(en) brieven vand(er)/ voirs(creven) negen mudden corens dwelc hem best believe(n)/ sal cor(am) eisd(em)