It(em) de voirs(creven) gehuysschen in p(rese)ntia hebbe(n) gekint/ en(de) gelijdt dat niet tege(n)staen(de) aend(er) geloofte(n)/ tande(re)n tijden bijd(en) voirs(creven) clase(n) gedaen en(de) voir/ scepen(en) va(n) loeven(e) gepasseert alsoe dat de selve/ claes inde stat en(de) recompense va(n) seke(re)n huyse(n)/ gelege(n) opde voe(r) die de voirs(creven) claes gehadt heeft
//
en(de) die v(er)coht en(de) tot zijne(n) proffijte(n) bekeert hij/ der selver zijnd(er) suest(er) nae de doot van sijne(n)/ vader vand(en) goed(en) die alsdan tusschen hen te/ deylen(e) staen sulle(n) voir uut soude late(n) volge(n)/ de weerde va(n) seven r(ins)guld(en) erflijc eer hij ter/ deylinge(n) soude come(n) de selve claes gestaen/ sal laten(e) der selver zijnd(er) suester voir uut volge(n)/ de weerde va(n) vie(r) en(de) eene(n) halve(n) r(ins)gul(den) erflijc/ sonder meer en(de) dat mits de rep(ar)atie(n) die de/ voirs(creven) claes zeder gedaen heeft aen een huys/ gelegen inde craechove(n)strate dwelc ter deylinge(n)/ tusschen een behoirt te comen welcke rep(ar)atie/ als zij bekinde(n) wel gedroch ter so(m)men van ii(½) r(ins)g(ulden)/ erflijc oft d(air)omtr(int) Beky(n)nen(de) hem mits dien te/ vreden te zijne vand(en) selve(n) ii(½) r(ins)g(ulden) erflijc die de/ selve claes meer hadde gelooft inne te bringen(e)/ dan de voirs(creven) iiii(½) r(ins)g(ulden) erflijc gedrage(n) cor(am) eisd(em)