Alsoe als ten vervolgen robbijns lanarts als man/ ende mo(m)boir kathlijne(n) vyssenacx zijnder huysvr(ouw)[en]/ geleyt zijnde nae de hooge hee(r)licheyt ons gened(ichs)/ he(r)en uuyt crachte va(n) scepen(en) brieve(n) van loeven(e)/ alle de goede beyde have en(de) erve jans wijlen/ smans zoe wair die gelegen zijn met brieve(n) van/ des(er) stadt gescreve(n) es gewest aen den meye(re) van/ bout(er)shem om de selve goede te leve(re)n en(de) te doen/ volgen den voirs(creven) geleydde(n) oft den bringe(r) sbriefs/ in zijne(n) name om cornelise(n) des voirs(creven) jans sone/ en(de) janne va(n) cortte(n)broeck dach van rechte te/ besceyden(e) op heden dienen(de) voir meye(re) en(de) scepen(en)/ van loeven(e) Aldair niema(n)t van hen en es/ gecompareert den voirs(creven) robbijn als man en(de)/ mo(m)boir comp(ar)e(r)ende en(de) recht voirts versuecken(de)/ soe hebben scepen(en) van loeven(e) t(er) maniss(en) smeyers/ gewesen met vo(n)nisse na dien laureys van/ valckenborch bode van des(er) stadt gecleert heeft/ de leve(r)inge en(de) executie van desen hem bijd(en)/ meye(re) voirscr(even) gedaen te zijne(n) nae inhout sbriefs/ datmen den geleydde(n) vand(en) geleverd(en) goed(en)/ houd(en) sal inde macht zijne(r) scepen(en) brieve(n) soe/ verre alst noch voir scepen(en) come(n) is