It(em) arnt boom in p(rese)ntia heeft gehuert ende bekint/ gehuert te hebben(e) tegen clase de coste(re) als p(ro)cur(eur)/ m(ijns) hee(re)n des p(re)laets en(de) godshuys van s(in)t g(er)truyd(en)/ te loeven(e) thuys ende hof met zijnder toebehoirt(en)/ alsoe wijlen h(er) lodewijck gielijs dit bewoent heeft/ den godshuyse voirs(creven) toebehoiren(de) geleg(en) inde/ borchstrate buyten der bynnen poirten aende dijle/ aldair om dat zijn leefdage lang ende niet/ lange(r) te moegen bewoenen ende gebruycken/ innegaen(de) deselve hueri(n)ge te kersmisse naistcomen(de)/ ende dit om ende voe(r) de so(m)me van hondert/ leeuwen eens den voirs(creven) godshuyse bynne(n) den/ yersten toecomen(de) zesse jae(re)n te betalen(e) ende/ d(air)enbove(n) noch om vijfthien ryns guld(en) tsjaers/ te kersmisse vallen(de) ende verschijnen(de) soe langhe/ en(de) totter tijt toe hij de voirs(creven) hondert leeuwen/ sal betaelt hebben en(de) niet lange(r) te betalen(e)/ welke hondert leeuwen de voirg(enoemde) arnt altijt/ tsijnen scoonste(n) bynne(n) den voirs(creven) yersten zesse jae(re)n/ sal moegen ende moete(n) betalen en(de) met vollen/ pachte vand(en) voirs(creven) xv r(yns)g(ulden) Met conditien/ soe v(er)re de voirs(creven) arnt bynnen middelen tijde/ aflivich wordde en(de) de voirs(creven) hondert leeuwen/ noch ombet(aelt) wae(re)n dat alsdan de voirs(creven) hondert/ leeuwen metten xv jairlijcsche rynsguld(en) souden/ verschenen wesen It(em) de voirs(creven) arnt en sal int/ voirs(creven) huys niet moegen breken oft maken van/ grooten wercke sonder consent vand(en) voirs(creven) p(re)laet/ Dies soe moet mijn(en) voirs(creven) hee(re) tvoirs(creven) huys houden/ van wande ende van dake ende den chijs dair/ uuytgaende jairlijcx betalen sonder cost van arnde/ It(em) mijn hee(re) sal gehouden zijn den kelde(r) te doen
//
repare(re)n ende een rollen aen dwaterscap te maken(e)/ om te putten(e) Ende alle dese vorweerden (et)c(etera)/ cor(am) h(er)meys tymple septembr(is) vii