It(em) arndt le pouly woenen(de) te vyleer le poplier/ bij hannuyt in p(rese)ncia heeft bestaet aen janne/ van aeps glaesmake(r) jacoppe le pouly sijns soen(en)s/ te leren(e) dambacht vanden voirs(creven) glaesmakene/ eenen t(er)mijn van vijf jae(re)n vervolgen(de) eemp(er)lijck/ beginnnen(de) te paesschen lestleden Dies sal hem jan/ van aeps tselve ambacht wel en(de) deugdelijck/ lee(re)n en(de) den cost geven en(de) arndt voirs(creven) sal hem/ cleeden en(de) schoeden en(de) oft hij bynnen middelen/ tijde vanden selven vijf jae(re)n hem absenteerde ende/ zijnen meester niet en voldede soe heeft hem de/ vors(creven) arnt le pouly gelooft dair voe(r) te betalen(e)/ vijfthien r(ins)g(ulden) oft bynne(n) zesse weken den selven/ jacoppe in dien te hebben(e) dat hij zijne(n) meest(er)/ voldoen sal ende in dien gevalle sal deselve/ arnt deselve xv r(ins)g(ulden) betalen deen helicht/ bynne(n) jairs dat hem de voirs(creven) jacop soude moege(n)/ absente(re)n en(de) dand(er) helicht bynne(n) jairs d(air)naist volgen(de)/ quol(ibe)t ass(ecutu)[m] cor(am) eisd tymple buetsele septembr(is) vii[a] Sen(tentiatum) p(er) joh(ann)em van aeps cor(am) veken coloma febr(uarii) p(ri)ma a(n)no t(er)cio