Alsoe als ten v(er)volge willems trabbekier/ die met scepen(en) brieven van loven(e)/ overlang gepass(eer)t heeft en(de) houden(de) es/ thien goud(en) rijders lijfpen(sien) aen ende/ opde goede hier nae volgen(de) gescreve(n)/ es geweest met brieven van des(er) stadt/ aen den meye(r) van zichene(n) oft zijne(n)/ stadhoude(r) alle de en(de) versocht alle/ de selve goede te leve(re)n en(de) te doen volge(n)/ den voirs(creven) willem(me) oft den bring(er) der/ voirs(creven) brieven in zijnen name/ Ende dat in gevalle van oppositien/ jan vanden hove sijn brueders en(de) wille(m)/ stoop comen wae(re)n alhier inde banck/ voir meye(r) en(de) scepen(en) van loven(e)/ tot eenen seke(re)n dage van rechte inde/ voirs(creven) brieven begrepen Ald(air) zij nyet/ en sijn gecompareert [dan vrancke vanden hove die seyde dat hij gheen van zijne(n) ond(er)pand(en) en hielt en(de) datmen ne(m)mer meer bevi(n)den en soude hoe wel hem mede dach bescheiden was consenteerde nochtan dat hem tvo(n)nisse van (con)t(umac)[ien] volghde op sijn pande nae inhoudt sijnd(er) brieve(n)] den voirs(creven) willem(me)/ compare(re)nde en(de) trecht vort versueken(de)/ d(air)inne soe v(er)re es gep(ro)cedeert dat bij/ vo(n)nisse der scepen(en) van loven(e) ter/ manissen smeyers gewesen is yerst/ bijden selve(n) scepen(en) aengehoirt ja(n)ne/ dridoens bode te voete van des(er) stadt/ die cleerde bij zijne(n) eede dat de stadhoude(r)/ des meyers van zichene(n) te thielt de/ leveri(n)ge voirs(creven) gedaen hadde ende/ p(ar)tien dach bescheyden nae inhoudt/ der voirs(creven) brieven datmen den voirs(creven) willem(me)/geleydden houde(n) soude vanden voirs(creven)/ goeden inde macht van zijne(n) voirs(creven)/ scepen(en) brieve(n) gel soe v(er)re dat voe(r)/ hen scepen(en) comen is In scampno julii viii/ Hier nae volgen de goede/ d(air)af hier voe(r) me(n)tie gemaict/ is/ Ierst eene woeni(n)ge geheeten waelrave(n)s/ gelegen met huysen hove(n) wynnen(de)/ landen beemden en(de) allen ande(re)n/ zijnen toebehoirten houden(de) tsamen/ xiii dach(mael) oft d(air)omtri(n)t gelegen inde/ p(ro)chie van thielt tussen de hergrecht/ en(de) de broeckstrate
//
It(em) ond(er)half boend(er) lants gelegen ald(air) acht(er)/ smedekens tusschen de goede willems/ stoeps en(de) de goede jans smet/ It(em) ond(er)half dach(mael) lants gelege(n) bijde voirgenoe(m)de/ goede tusschen de goede arnts wijlen luyken/ en(de) de goede henrix shaven/ It(em) drie dach(mael) lants gelegen inde voirs(creven) brieve(n)/ p(ro)chie op tvelt geheeten gamervelt/ It(em) een dach(mael) boschs gelegen ald(air) op tselve/ velt gam(er)velt genoe(m)t/ It(em) twee boend(er) lants gelegen ald(air) op tvelt/ geheeten plettinck tusschen de goede reyners/ cuttens en(de) de strate ald(air) strecken(de) ter kerken/ van s(in)[te] mertens ald(air)/ It(em) een boend(er) beemps gelegen ald(air)/ op de cruysstrate tusschen de voirs(creven) strate/ en(de) de goede wouters vanden velde/ It(em) een half boend(er) lants gelege(n) bij tvoirs(creven)/ boend(er) beemps tusschen de voirs(creven) cruysstrate/ en(de) de goede wouters vanden velde/ It(em) een half boend(er) lants gelegen op/ tvoirs(creven) velt geheeten plettinck tusschen/ de goede scoupers van tielt en(de) de strate ald(air)/ It(em) vijff dach(mael) soe lants soe wijtham geleg(en)/ tusschen beyde den kercken ald(air) tusschen/ de goede boudewijns vanden velde/ en(de) de strate geheete(n) rameystrate