Allen (et)c(etera) dat h(er) ende meester ghijsbrecht servatii prieste(r)/ canonick der collegiater kercken van sinte jacops opde/ biest bynnen des(er) stadt heeft mits eenre sommen van/ penn(ingen) de quibus sat(isfarere) vercocht en(de) dien naevolghen(de)/ gecedeert getransporteert en(de) overgegeven ende mits/ desen cedeerde transporteerde en(de) gaff over willeme/ celen sijnen swagher sone wijlen willems woonen(de)/ tot endoven alsulcken part deel ende portie als/ hem verstorven es nae doot wijlen jans van acht/ en(de) marien ghijsbrechs sijnd(er) huysvrouwen inde/ achtergelaten goeden ende erffrinten bijde voirs(creven)/ wijlen gehuysschen achtergelaten die som ende/ eensdeels beseten heeft wijlen meester jan de/ cock der selver marien leste man met oick het/ part ende deel hem competeren(de) ende verstorven/ inde goeden bijden voirs(creven) meesteren janne de/ cock ende marien ghijsbrechs staen(de) heeft/ hueren beyden huwelijcke vercreghen als yerst/ van seven en(de) een(en) halven rinsguld(en) te twintich/ st(uvers) stuck erffel(ic) opt dorp van aelst Item van/ vijf rinsg(ulden) erffel(ic) aen(de) stadt van endoven Item/ noch van sesse rinsguld(en) erffel(ic) tot gheldorp
//
Item noch van twee mudden cor(ens) erffpachs op/ janne thoons Item noch het part ende deel/ hem meesteren ghijsbrechte bij doode der voirs(creven)/ marien verstorven ende competeren(de) inde hopvelden/ bijder tselver marien achtergelaten Item noch/ alsulcken part ende deel als hem meesteren/ ghijsbrechte bijde doot ende afflyvicheyt des voirs(creven)/ jans van acht ende marien ghijsbrechs ende/ des voirs(creven) meester jans de cock verstorven es/ geweest inde beruerlijcke goeden bij hen achter/ gelaten Ende om den voirs(creven) willeme coelen/ van des voirs(creven) es bat te moghen versekeren heeft/ de voirs(creven) meester ghijsbrecht geconstitueert/ volcomen macht procuratie auctoriteyt ende/ irrevocabel bevel gegeven heeren gielissen/ buggenhout prieste(re) janne goessens behuwet/ sone des voirs(creven) willems celens aut om in/ sijnen name ende van sijnen wegen te co(m)pare(re)n/ voirde gerichten daer des naebescreven es behoiren/ sal gedaen te wordden(e) ende ald(air) van des voirs(creven)/ meester ghijsbrechs weghen het part ende deel/ hen inde voirsc(reven) goeden ende erffrinten verstorven/ met behoirlijcke verthijdenisse op te draghen(e)/ en(de) den voirs(creven) willeme celen dair inne te/ goeden(e) ende te erffven(e) ende te doen(e) goeden/ en(de) erffven Ende generalijck en(de) spe(ci)al(ijck)/ in des voirs(creven) es ende des dien aencleeft al te/ doen(e) ende te voirderen des de voirs(creven) constitueerde(r)/ selve soude mog(en) doen ende ter bewairnissen/ des voirs(creven) willems constitueerde(r) celen behoiren/ te doen(e) telcker tijt ende plaetsen tegewoirdich/ en(de) voir ooghen sijnde Promittens oblig(ando) et/ submitten(do) ac renu(n)t(iando) rat(um) coram borch/ colonia julii i[a]