Ite(m) will(em)s valkemborch heeft ghenome(n) te pachte van ja(n)ne vinke een stuc lands houdende/ iii(½) boend(er) paulo gheleghen op de loe neven de paddeborchstrate op die side te vlieder/ beke w(er)t te hebben van sinte m(er)tensmisse lest leden enen t(er)mijn van acht jaren deen na/ dand(er) sond(er) middel volghende elcx jaers daer em binne(n) o(m)me neghen mudde rogs goet en(de)/ payabel tsinte andriesmisse apostel te betale(n) en(de) den voers(creven) ja(n)ne vinc tot sine(n) huys te leve(re)n/ tot elke(n) t(er)mine alse vervolghde scout Met vorwerde(n) dat de voers(creven) wille(m) tvoers(creven) lant/ te sine(n) afsceiden laten sal alsoe hijt vant te sinen aen come(n) Dats te wetene drie boende(r)/[wel ghemest] besayt met rogghe mar hij mach inde de and(ere) halfbonde(r) daer af en(de) int half boende(r) dat/ onbesayt bliven sal dat mach hij hoervrochte(n) in sijn leste jaer mar de een ond(er)half boende(r)/

en mach hij niet hoervrochte(n) lapide roelofs xcix[o] febr(uarii) xxiii[a]