Cond sij allen lieden dat want twist en(de) dedinghe opghestaen en(de) gheruert waren tusschen mijn he(re) den abt/ van haffligheem en(de) sijn co(n)vent in deen side en(de) henric van dieven in dander side ov(er)mids der goede/ wille der voers(creven) mijns he(re)n des abts en(de) co(n)vents van haffligheem voers(creven) diemen heet van hugliencourt/ daer in de voers(creven) henric van dieven enen [tijt] ghewoent heeft daer af de voers(creven) mijn he(re) dabt en(de) co(n)vent vele/ ghebreke vanden [voers(creven)] henric van dieven eyschende [waren] soe dat des ghedingt was voer den meye(r) en(de) scepenen/ van lovene Soe eest dat comen [sijn] voe(r) scepen(en) van lovene her jan vander alph(er)en en(de) her jan [van] ov(er)sette? monicke(n)/ des voers(creven) cloesters inden name mijns he(re)n sabds v en(de) co(n)vents van haffligheem voers(creven) en(de) van haren/ weghen in deen side en(de) de voers(creven) henric van dieven in dander side En(de) hebben hen daer af en(de) van allen/ eysschinghen ghebreken rekeninghen betalinghen bewijssenessen vorwerden [brieven] gheluften aenspraken dedinghen/en(de) poenten [en(de) ghedinge] dair die ruerende vanden voers(creven) goeden ocht and(er)s van [wat] saken dat sijn mach die deen p(ar)tije/ tot(er) ande(re) [te sorghen te tyen] te eysschen ocht aentespreken hadde ocht hebben mochte tot opten dach van heden volcomelec/ ghekeert en(de) sijns gansselec bleven dats te in vriendelike yffene(re)n paysmekers en(de) segghers Dats te wetene/ de voers(creven) her jan en(de) her jan voer hen en(de) voe(r) mijn he(re) den abt en(de) co(n)vent voers(creven) in robeert van berthee(m)/ en(de) de ghijsbrecht den coc van leefdale en(de) de voers(creven) henric van dieve(n) in janne van wijchmale en(de) ja(n)ne yden/ En(de) alsoe waert dat enigher p(ar)tijen een seggher ocht meer ghebrake(n) dat die enen ande(re)n gheliken ocht/ meer na dat hem ghebrake weder kiesen en(de) setten mach in des gheens stat die hem ghebrake Met sulker/ vorwerden dat elc vanden voers(creven) p(ar)tijen binnen verte(n)nachten [va(n) nu] naest comende ov(er)gheven sal sinen segghers/ in ghescrifte alle sinen eysche ticht aensprake en(de) beclach dat hij te doen heeft ocht doen wille tot(er)/ ande(re) p(ar)tijen en(de) dat ghedaen sal elc p(ar)tije dan binnen verte(nna)chten? daer sir na sine(n) segghers/ ov(er)gheven in ghescrifte alle sijn verantwerden dat hij doen wille ocht doen sal toten eysche/ sijnre weder p(ar)tijen [wert] En(de) dat dan binnen verte(n)nachten daer nae de voers(creven) [vier] segghers haer seg/ ghen daer af [uten] segghen en(de) p(ro)nu(n)cieren selen op dat sijs van accorde sijn Mar soe waer sijs/ niet van accorde en waren dat sij dan binne(n) den voers(creven) haren t(er)mine mett(er) aenspraken ocht/

eyschen en(de) v(er)antw(er)dene vande(n) voers(creven) p(ar)tijen comen selen voer scepen(en) van lovene o(m)me des aen/ hen te halen een vo(n)nisse nae aensprake(n) en(de) antw(er)den der ptij beide der p(ar)tijen voers(creven) alse ochs/ de voers(creven) p(ar)tijen voer meye(r) en(de) scepen(en) van lovene toten vo(n)nesse toe ghedingt hedden En(de) hebbe(n)/ gheloeft elc p(ar)tije voers(creven) op de sake verloren en(de) op enen banduyn van t(er)enen pont ouder/ grote [tornoyse] tot ons(er) ghened(eger) vrouwe(n) behoef van brabant te betalen vast en(de) ghestedich te houden/ en(de) te voldoene soe wat de voers(creven) vier segghe(re)n op dat sijs va(n) accorde sijn binnen haren voers(creven)/ t(er)mine eendrechtelec voer een segghen ocht de scepen(en) voer van lovene op dats de voers(creven) [vier] segghers/ niet eens en waren voer een vo(n)nisse uten segghen en(de) p(ro)nu(n)cie(re)n selen van den saken en(de) dinghe(n)/ voers(creven) [allen arghelist uutghescheiden] Hier ov(er) waren jan de witte en(de) wout(er) zas scepen(en) van lovene Dit was ghedaen int jaer/ ons he(re)n m ccc xcix xii daghe in decemb(ris)