Item heyne vand(er) spreet van he(re)nthals es comen voe(r) scepen(en) van lovene en(de) heeft gheloeft/ op sijn lijf en(de) op sijn goet en(de) op lantsoene dat hij ne(m)merme(r) te ghenen tide wangonst/ veede hatye noch viantscap draghen noch voertkeren noch doen en sal [noch daghen noch te camp eyschen (et) (et)c(etera)] bij hem selven noch/ bij nyeman anders tot kath(ar)inen wellens docht(er) wilen jan wellens wonende te heret udekeem inde/ p(ro)chie van herent ten noch [tot] beatrizen wellens haerre moed(er) noch tot en ghenen van haren vrienden/ ocht hulpe(re)n noch toten meyer van lovene ocht den meye(r) van he(re)nt ocht enighen van haren/ diene(re)n noch en ghenen mensche ocht p(er)sone wie hij sij o(m)me des wille dat de voers(creven) heyne vand(er)/ spreet ierstwerf te herent en(de) namaels te lovene ghehacht en(de) ghevanghen heeft gheweest daer/ o(m)me alsulker mesdaet wille als hij ghedaen hadde aen der voers(creven) kath(ar)inen en(de) van dat hij haer brued(er)s/ontseyt en(de) hae(r) vriende ontseeght en(de) ghedreyght hadde en(de) and(er)s vele onseden ghevesticht hadde/ aen de voers(creven) p(er)sone (et)c(etera) Testes judoc(us) absoloen (et) walt(erus) zas scab(in)i lovanien(ses) Anno m[mo] cccc[mo] p(ri)mo no(vembris) xix[a]