Cond sij allen lieden dat want vanden stote ende tebatte die op(e)nstaen wae(re)n tussche(n) he(re)n/ gielise van maresch p(ri)oer van meffe inden name en(de) van weghen des abds en(de) co(n)vents des cloest(er)s/ van sinte lauwereys deen van ludick [in deen side] en(de) thomase van fontenguy wynne des selfs cloesters/ in dande(r) alse vand(en) ty(m)meringe(n) metselrie en(de) werke vanden huyse dat de voirs(creven) thomas/ heeft doen metsen make(n) en(de) ty(m)meren int hof der voirs(creven) he(re)n gelege(n) te s(ente) remeys gheest/ daer af dat de voirs(creven) thomas den voirs(creven) he(re)n den cost vande(n) voirs(creven) werke hoger rekene(n)/ wilt dan hen gevuechlec dunct wesende Ende de selve p(ar)tien hen vande(n) voirs(creven) stote/ verbonden hebben [hadden] voir scepen(en) van loven(en) en(de) hen [des] ghekeert in de geswoerne wercliede/ der stat van loven(en) te weten in meeste(re)n henricke oudoere meeste(re)n janne baten en(de)/ meeste(re)n janne paen Ghelovende vaste en(de) gestedich te houden alsulken t(er)minacie/ en(de) taxacie alse biden voirs(creven) meeste(re)n vande(n) voirs(creven) geschille gedaen en(de) get(er)mineert/ soude wesen Soe sijn de selve meeste(re)n die tvoirs(creven) werc op hoe(re)n eedt ghevisentee(r)t/ en(de) ov(er)sien hebben en(de) v(er)hoert waerh(eit) en(de) getuyghenissen comen daer toe dienende/ comen voer scepen(en) van loven(en) [h(ier) nae genoemt] en(de) hebben de stucke(n) den voirs(creven) werke aenhoe(re)nde/ ghetaxeert en(de) ghetermineert op hoe(re)n eedt en(de) op hoer beste van stucke te stucke/ en(de) elc besund(er)t ind(en) manie(re)n alsoe hier nae bescr(even) steet Ende hoe waele datse/ thomas voirs(creven) in so(m)mige(n) deele hog(er) gheprijst hadde soe hebben de voirs(creven) meeste(re)n/ dat ghegroefst op hoer beste/ Inden iersten gecocht jeghen woute(re)n van argetton en(de) aen claese vanden bolgade(r)/ en(de) aelbrechte van melin vele ty(m)merhouts o(m)me [de] zalen came(re)n en(de) van ande(re) huysen/ te make(n) o(m)me een seker so(m)me van ghelds te weten xvi gripen/ iiii boddrag(er)s/ It(em) o(m)me de iiii balken te hersnyden en(de) te verminde(re)n te poente te comen/aen den ty(m)m(er)man vi boddrag(er)s/ It(em) o(m)me dat voirs(creven) hout te hale(n)ne en(de) te vueren met waghen en(de) peerden ende/ twee knapen daer mede opt bosch van mueux xviii(½) gripen/ It(em) o(m)me dachvarde van waghene en(de) iiii peerden en(de) ii cnapen/ o(m)me steene te vueren savel leem en(de) water inde hoeymaent en(de) oeghstmaent/ Ind(er) meester p(or)tien te samen xxiii grijpen
//
Item doen de voirs(creven) coepman vande(n) bossche quam te gheest o(m)me te besiene en(de) te/ vernemen hoe vele stoffen totten selven huyse gebreken mochte en(de) o(m)me twee ty(m)m(er)liede/ die opt selve bosch ginghen o(m)me dat hout te kyesen boer hae(re)n cost die dit/ visenteerden i(½) grype/ It(em) o(m)me twe popele(re)n de sulders te legghen int selve huys gey ghecocht jege(n)/ janne ha(n)nes van sinte marien gheest xxxiii boddrag(er)s/ It(em) o(m)me de selve boeme te houwene iii boddrag(er)s/ It(em) o(m)me de selve popele(re)n te hale(n)ne v boddrag(er)s/ It(em) aen meester janne cuernic en(de) henricke sine(n) gheselle die dat ty(m)m(er)werc/ maecten boven dat gesteinte tot bid(en) kerke(n) en(de) vele and(er)s wercs doren/ en(de) vinste(re)n xxv(½) gripen/ It(em) twee zeeghers die dit voirs(creven) hout zaegden te weten henric vander/ sluysen ende sijn brued(er) xv dachue(re)n die lopen in so(m)me van ghelde/ iiii gripe(n) en(de) iiii(½) boddrag(ers)/ It(em) o(m)me latten van ryvieren ghecocht te namen wel v[c] en(de) elc hond(er)t coste/ vi boddrag(er)s So(m)me xxx boddrag(er)s/ It(em) o(m)me de vueringe der selv(er) latten xx boddrag(er)s/ It(em) o(m)me latte naghele ghecocht ten namen wel xvii pont elc l(i)b(ra)/ een blancke doende te samen xv boddrag(er)s i turnoyse(n) min/ It(em) noch o(m)me xvi[c] naghele gecocht te thienen o(m)me doren en(de) vinste(re)n en(de) oec/ latten naghele i boddrag(er) thond(er)t deen hielp dand(er) Somme xvi boddrag(er)s/ It(em) o(m)me herren de doren en(de) vinste(re)n te hanghen over al int selve huys/ de welke ghecocht wae(re)n jegen ja(n)ne de(n) lelike(n) van geldenake v gripe(n) en(de) v boddrag(er)s/ It(em) aen den smet van melem o(m)me iiii cleyne h(er)ren ii boddrag(er)s/ It(em) iiii slote aen keld(er)s aen de sale cokene en(de) sulde(r) xvi boddrag(er)s
//
It(em) xxiiii[c] walme(re) o(m)me dat selve huys te deckene elc hond(er)t gecocht xi boddrag(er)s de welke/ loepen in ghelde op xiii gripen en(de) iix [iiii] boddrag(er)s/ It(em) o(m)me tselve huys te plecken ende te decke(n) xxx dachue(re)n loepen in/ ghelde vii(½) gripen/ It(em) o(m)me de berders vander doren en(de) vande(r) vinste(re)n gecocht te thienen lopen/ in so(m)men van ghelde xxxiiii boddrag(ers)/ It(em) de selve berders te hallenne viii boddrag(er)s/ It(em) aen pete(re)n bacstruyve van gobb(er)tingez? xii dachue(re)n de welke hielp dat voirs(creven)/ hout trecken en(de) ployen ende steene en(de) eerde te berryen [bereiden] o(m)me de metssers/ te vorde(re)n xxiiii boddrag(er)s/ It(em) o(m)me der steensnyd(er)s cost de welke menichwerf te gheest wae(re)n o(m)me dat/ selve werc te visente(re)n o(m)me hoe(re)n wijn iiii boddragers/ It(em) o(m)me xii blocke gecocht jegen janne pangnon de welke de balken dragen/ int selve huys en(de) noch ande(re) clein stucken xv boddrag(er)s/ It(em) o(m)me lx steene die buten springen jegen de doren vand(en) zalen cokene(n) en(de)/ en(de) vinste(re)n gecocht jegen reyne(re)n beghine en(de) clase lamkairt xv grote/ den voet So(m)me iii grypen/ It(em) o(m)me xxx hoecsteene daer die doren en(de) vinste(re)n aen hangghen gecocht/ jeghen den selven reyne(re)n en(de) clase en(de) oec aen tdretchoir vand(en) cokenen ende/ aen de scapereez elken voet ene(n) boddrag(er) So(m)me xxx boddrag(er)s/ It(em) aen de selve o(m)me twee grote steene aen trechoir inde cokene die/ gaende sijn boven en(de) beneden xiii boddrag(er)s/ It(em) o(m)me de steene die de boghen vande(n) huyse drage(n) en(de) de balken ov(er) al/ xiiii boddrag(er)s/ It(em) o(m)me de steene sond(er) snyden gecocht te enthembais aen reyne(re)n beghine/ en(de) aen reyne(re) vellen welken wel wae(re)n m rondeelen alle in werke ghesedt/ alse aen de schue(re) bi de kerke aen de came(r) aen den oven aen den kelde(r)/ en(de) in vele steden xxii boddrag(er)s
//
Item aen clase lambairtz ii grote stene dat is te weten den ene(n) dorpel en(de) den/ ande(re)n die te lingx boven de dore leeght xii boddrag(er)s/ It(em) aen woute(re)n van ophus ene(n) steen van iiii boddrag(er)s/ It(em) o(m)me xvi(½) mudde en(de) een sister calcx ghecocht enen halven grype de [die] lopen/ tesame(n) in ghelde vii gripen/ It(em) aen clase lamkair en(de) aen den voirs(creven) reyne(re)n ghecocht viii[c] rondeelen elc hond(er)t/ xvi placken So(m)me iii gripen iiii boddrag(er)s/ It(em) aen janne paingnon en(de) aen wille(m)me vand(er) zee o(m)me alle de metselrye/ vanden voirs(creven) huyse came(re) ovene kelders en(de) schue(re) bid(en) kerken va(n) metten gesnede(n)/ steene die sij sneden d(er) welke wae(re)n m alst voirs(creven) is en(de) op lieden [leyden] en(de) laghen sij te/ maken dat voirs(creven) werc xx grypen/ It(em) o(m)me de berders vande(n) hemelte(n) te lappen en(de) dien te make(n)/ te gade(r) iiii gripe(n)/ It(em) o(m)me vi yse(re)n roeden o(m)me de colomben vande(n) hemelte(n) te houden aen/ de balken xii boddrag(er)s/ It(em) o(m)me dat steynen huys te ontdecken v boddrag(er)s/ It(em) o(m)me weghelt te geldenaken aen h(er)ma(n)ne o(m)me alle dat houtwerc ende/ ander daer doer te vueren vi(½) boddrag(er)s/ It(em) aen meester lambrecht scheversteendeckers kynde(r) o(m)me te v(er)plaeste(re)n de kerke/ en(de) ii capellen vanden welken de ghene vanden dorpe hen beclaeghden aen den/ archidiaken o(m)me dat daer bynne(n) rechende xvi boddrag(er)s/ It(em) voe(r) thomas selve(r) cost die hi hier inne gehadt heeft eenwerf and(er)werf/ hier en(de) daer te rijden o(m)me tvoirs(creven) werc te volb(re)nghen en(de) o(m)me der voirs(creven)/ he(re)n orber en(de) p(ro)fijt te doene ten namen te geldenake(n) te loven(en) te thienen/ v gripen/ It(em) o(m)me vitz roeden viii boddrag(er)s/ It(em) o(m)me debles dbeslaen en(de) dat henxsel van yse(r) v boddrag(er)s
//
It(em) o(m)me den prioer en(de) eens ty(m)mermans cost die sij daden o(m)me dicwile/ dat voirs(creven) werc comen te besiene en(de) te visente(re)n enen gripe/ It(em) o(m)me de scheperie tond(er)setten en(de) schoe(re)n met iiii staken en(de) i ty(m)m(er)man/ die dat dede op sijn dachuere met sine(n) cost en(de) met al gereke(n)t x boddrag(er)s/ It(em) o(m)me deser twee rekeni(n)gen te scrivene van walschen in dietsschen o(m)me/ dat de meesters van loven(en) begheerden in goed(en) formen hen hier inne wel te/ informe(re)n i crone/ Voert soe hebben de voirs(creven) meeste(re)n geseeght al eest alsoe dat de voirs(creven) thomas/ heyscht xx gripen vander scheperien weghen (et)c(eter)[a] dat hi daer af niet hebben/ en sal want si niet bevonden en hebben dat hi enige schade daer o(m)me gehadt/ en(de) gheleden heeft/ Item van dien dat hi heyscht vii boddreg(er)s voe(r) machiele lossien en(de) twe/ gripen van houte gecocht jegen aelbrechte van meylhem en(de) iii boddreg(er)s van/ sdraeyers coste xv boddreg(er)s van berders te hale(n)ne en(de) xxxvii boddreg(er)s/ oec vande(n) hemelte(n) te maken (et) hebben geseeght dat hi daer af niet/ rekenen en sal sunderlinge want hem dat int grosse genoech in gerekent/ es aen ande(re) saicken ten voirs(creven) werke dienende/ Item van alrehanden ande(re)n stucken die thomas in sijn reekeni(n)ge ghesedt heeft alse/ van [be]talingen aen de he(re)n met alrehanden porchelen [gedaen] ocht vand(en) thienden weghen ocht/ te ludick te sem(er)den of van reekeni(n)gen te scriven ocht aen den vorste(r) te sinte laureys/ te condigen ocht van betalingen van beeden ocht vande(r) hoetvaert ocht van betalinge(n)/ van tsijse ocht van schaden van tempeesten ocht vande(r) lande dat uut gedaeght es vand(en)/ beeden ocht vand(en) clocken te h(er)hanghene ocht vande(n) peerde dat de vorse(r) van gelden(aken)/ pandde ocht vand(en) schaden vande(n) selven peerde ocht van coerne dat de molde(r) behielt/ om m(ijn) he(re)n van brabant ghebods wille (et) hebben de voirs(creven) meestere geseeght dat/ sij hen des niet en aenkee(re)n want den werke niet toe en hoert ende de p(ar)tien hen/ daer af [in hen] niet verbonde(n) en hebben nae inhouden vanden comp(ro)misse
//
Item alse vanden coste die op dit segghen ghegaen es (et) hebben de voirs(creven)/ meeste(re)n gheseeght dat elke p(ar)tie den cost van hoe(re)n getuyghen die sij ghedaeght/ hadden ocht doen daghen te sinte remeys gheest draghen en(de) ghelden sal ende/ voert dat de selve p(ar)tien allen ande(re)n cost die hier op ghegaen es draghen/ en(de) ghelden selen half ende half rike haenwijc maii xxvii