Cond sij allen liede(n) dat henric py(n)noc es come(n) in jegewordich(eyt) der scepen(en) van loven(en)/ en(de) heeft gegeve(n) en(de) bekendt dat hi gegeve(n) heeft janne den reese van meere alle/ de wy(n)nende lande dert schoef erfpacht en(de) tsijs die de vors(creven) henric heeft en(de) houd(ende)/ es in(de) p(ro)chie van meere en(de) daer omtrent [en(de) oic een rox rox [mudde coren] d(er) maten va(n) lov(en) aen de goede balloys goede gelegen te heyleshem] te houden te hebben en(de) te wynne(n) ene(n)/ t(er)mijn van vi jae(re)n lang nu deen na dand(er) volghende elx jaers dae(re)n bynnen/ o(m)me xiiii [xv] sacke corens pacht van meere [en(de) mate va(n) thienen] goet en(de) payabel d(er) mate(n) van thiene(n)/ te weten vi halster d(er) selver maten voer ene(n) sac gherekent en(de) twee halst(er)/ witter erwete(n) d(er) maten voirs(creven) te sinte andr(ies) misse apostels te betale(n) en(de) te thiene(n)/ te leve(re)n alle jae(re) den voirs(creven) t(er)mijn due(re)nde en(de) telken t(er)mine als v(er)volghde schout/ met alsulken vorw(er)den dat de voirs(creven) jan ten eynde vande(n) voirs(creven) t(er)mine laten sal/ vii dach(mael) [gelege(n) tussche(n) mere en(de) eezemale] bezaeyt met wynt(er)coerne wel en(de) loflec gelijc reenghenoete(n) [en(de) oec de vor(screven) lande hie(re)n mesten en(de) wy(n)nen gel(ijc) reengenote(n)] Ende/ hier af sijn borghen des voirs(creven) jans als p(ri)ncipael sculde(re)n ongesund(er)t en(de) ongesch(eyden)/ en(de) elc voer al wout(er)e van haegher en(de) wouter de wilde beyde van haeght/ welke borghen de voirs(creven) jan h(ier) af heeft gheloeft scadelo schadeloes tontheffen/ rike py(n)noc m(ar)tii xvi