Cond sij allen lieden dat jan vande(n) tymple es come(n) in jeg(enwordicheyt) d(er) scep(enen) van lo(ve)n en(de) heeft gegheve(n) en(de)/ bekendt dat hi geg(heven) heeft daneele van ee(re)nboud(eghem) van holsbeke thof des vors(creven) jans vande(n) tymple/ gelege(n) te wijchmael met huysen hove(n) bogarden wynne(n)de lande beemden en(de) eusselen met/ allen den toebehoirte(n) gelijc dat de vors(creven) jan ald(air) houdende es te houden te hebbe(n) en(de) te wy(n)ne(n)/ van halfm(er)te lest leden ene(n) t(er)mijn van vi jae(re)n lang deen na dand(er) d(air) na staph(ans) volg(ende) elx/ jairs dae(re)n by(n)ne(n) te wete(n) de vorscr(even) wy(n)nende lande met den wy(n)nende hove neve(n) den bog(ar)t/ gelege(n) ende met den waermoeshove met den boeme(n) staende bynne(n) den selve(n) warmoes hove/ o(m)me xlvi mudden en(de) vi v(½) molevat rogs goet en(de) payabel met wa(n)ne en(de) met veede(re)n/ wail ber(eyt) alle jae(re) te s(ente) andr(ies) misse apost(el) te betale(n) ende te loevene te leve(re)n en(de) de/ vors(creven) beemde en(de) eussele met den bogarde om xliii gulden(en) hollan(dsche) of de w(er)de d(air) af/ te s(ente) m(er)tens misse inden wynt(er) te betale(n) oft tons(er) vrouwe(n) dage lichtmisse ombeg(re)pen/ te sine alle jae(re) den vors(creven) t(er)mij(n) duer(ende) en(de) telk(en) t(er)mine als v(er)volgde schout Voertmeer/ es vorw(er)de dat vanden oefte inden bog(ar)t ald(air) jairlex wassende sal de wy(n)ne hebben/ tvierdeel en(de) jan vande(n) tymple de drye deel en(de) die sal he(m) de wy(n)nen te lo(ve)n leve(re)n/ wed(er) hijt v(er)coept of niet en v(er)coept en(de) wae(re) dat sake dats jan niet en v(er)cochte soe soude/ hijt al doen lesen en(de) de wy(n)ne sal den lesers den cost gheve(n) Ite(m) sal de vors(creven) wy(n)ne/ jairlex leve(re)n lxxv mandelen walme(re) de huyse ald(air) mede te decken(e) en(de) alsme(n)/ die verdecken sal soe sal de wy(n)ne den wercliede(n) den cost gheve(n) ende jan sal de/ dach(ueren) bet(alen) Ite(m) sal de vors(creven) wynne de husinghe vanden vors(creven) hove houden vand(er)/ onderster rikelen ned(er)wert van leem en(de) van latten op sine(n) cost Ite(m) waert alsoe/ dat me(n) inden vors(creven) hove ty(m)merde enigherande oude ty(m)meringe(n) d(air) af sal de/ wy(n)nen den werclieden den cost gheve(n) en(de) jan de dach(ueren) bet(alen) waert oic alsoe dat/ jan vors(creven) inden vors(creven) hove een waghenhuys dade make(n) dair toe soude de wynne/ thout vuere(n) ende den werclieden den cost gheve(n) ende jan soude de dach(ueren) betale(n)/ It(em) sal de vors(creven) wy(n)ne den vors(creven) ja(n)ne jairlex te lo(ve)n vuere(n) de helecht vande(n) hoeye/ van vi dachmael(en) beemts gelege(n) int assenbroec Ite(m) sal de vors(creven) wy(n)ne tvors(creven) lant laete(n)/ in sine(n) leste(n) jae(re) alsoe hijt vv vant te wete(n) den wynt(er) arnt art met rogge besaeyt/ op vier tidege voe(re)n dairop sal hi tweehalfboende(r) gelege(n) op wijchmaeld(er)velt en(de) i(½) dach(mael)/ op wydevelt besaeyt sal late(n) met tarwe(n) de storte eens o(m)me gedaen en(de) de brake geheel/ It(em) mach de vors(creven) wy(n)ne in sinen lesten jae(re) een boend(er) vande(n) vors(creven) lande hoervruchte(n)/ met som(er)vruchte Ite(m) mach de vors(creven) wy(n)ne by(n)nen de vors(creven) t(er)mine de beemde en(de) eussele/ vors(creven) saeyen ende breken uutgescheiden inden tween lesten jae(re)n vande(n) selve(n) t(er)mine Ite(m)/ sal de vors(creven) wy(n)ne ja(n)ne vors(creven) jairlex i halst(er) lyzaets saeyen d(air) toe dat jan den zaet/ leve(re)n sal ende de wy(n)ne sal tflas te love(n) vuere(n) met den vollen Ite(m) sal de vors(creven) wy(n)ne/ jairlex op de vors(creven) goede xx poten sette(n) Ite(m) sal de wy(n)ne de leygrecht vage(n) op sine(n) cost/ ende de wege make(n) gelijc sine(n) gebue(re)n gebuere(n) Ite(m) mach de vors(creven) wy(n)ne de willege(n)/ en(de) trunceyken trunken alst hem ghenoecht en(de) opgaende hout sleene(n) om de goede/ mede te bevreden en(de) te bernen Ite(m) als d(air) ene(n) boem valt verdroeght oft uutwaeyt/ dien sal de wy(n)ne hebbe(n) en(de) d(air) voer ene(n) jonge(n) boem vande(n) selve(n) arnde wed(er)sette(n)
//
It(em) soe wa(n)neer moor men den bog(ar)t ald(air) vaeghen sal soe sal de wy(n)ne de thout/ hebbe(n) dat d(air) af valt en(de) daer voe(r) sal hi den [dien] wercliede(n) den cost gheve(n) Ite(m) ghevielt/ alsoe dat de wy(n)ne bynne(n) den vors(creven) t(er)mine inden vors(creven) goeden eneghe schade lede/ van tempeesten of van ghemeyne(n) orloghe die schade soude hem de vors(creven) jan oprichte(n)/ gelijc me(n) ande(re)n wy(n)nen boven en(de) beneden pleeght te doen behoudelec dien/ dat de vors(creven) wy(n)ne ter stont tcore(n) sal uutdorsschen met iiii vleghele(n) soe wa(n)neert/ jan hem sal laten wete(n) Voertmeer es vorwerde dat de vors(creven) wy(n)ne de vors(creven)/ goede den vorscr(even) tijt duer(ende) wy(n)nen ende saeyen sal ten behoirleke(n) tide en(de) die/ laten bevreedt alsoe hise vant in sine(n) income(n) En(de) alle dese (con)dicie(n) en(de) vorwerde(n)/ vors(creven) e(tcetera)/ Inde sunt fideiuss(ores) d(i)c(t)i daniel(is) t(am)q(uam) debit(ores) p(ri)ncipales ind(ivisim) henr(icus) vanden eynde de/ holsbeke oliverus de ro(m)male joh(ann)es vand(er) laenen de holsbeke henr(icus) de gheele/ filius joh(ann)is de gheele de wesemale joh(ann)es d(i)c(t)us pape filius q(uon)da(m) ger(ardi) pape de/ holsbeke