Het es comen in rechte voe(r) meye(r) ende scepen(en) van loeven(en) colart mychant/inden name en(de) als p(ro)cureerde(r) des recteurs vanden s(ente) kat(line) [outaer] te dohain/in deen side en(de) jan bacheleir die ov(er)mids vo(n)nisse van scepen(en) brieve(n) van loven(en)/beleydt es tot den goeden magriete(n) die wijf was giel(ijs) [van gerpines] in dande(r) daer de selve jan/sijn voirs(creven) brieve inden rechte lesen dede en(de) dede segghen sinen voersprake dat me(n)ne houde(n)/woude in sinen goeden [beleyde en(de)] d(er)re hem de voirs(creven) colart van des voirs(creven) outaers weghen ongebruyc/dede en(de) dat men dat sculdich wae(re) te doene daer op dat de voirs(creven) colart antw(er)de ende/dede daer lesen een chirograf daer de scepen(en) van dohain over gestaen hadden inhoud(ende)/en(de) beg(ri)pende dat vele p(er)sone comen wae(re)n voer hen alse erfgenamen goffmarts de tries /[ende magrieten sijn wijf] en(de) hadden bekendt en(de) gheloeft vaste en(de) gestedich te houden alsulke(n) makinghe als de/voirs(creven) wilen goffmart [ende sijn wijf] geordineert en(de) ghemaect hadde den voirs(creven) outaer en(de) dat de /selve altaer sider dat de voirs(creven) makinghe geschiede wel xxiiii jaer en(de) [die makinge] meer gehan/teert ende gehouden heeft en(de) daer af in possessien gheweest hier op soe yesch jan/bacheleir een beleyt om te weten wat goede den selven altae(r) toebehoe(re)nde wae(re)n/daer op worden de scepen(en) gemaent vanden meyer van loven(en) [die] wijsden nae aen/sprake en(de) antw(er)de want tstucke rue(re)nde wae(r) van makinghen [ende] van gheesteleke(n)/goeden dat sij dat lieten gaen daer dat sculdich wae(r) te ghaen bij desen vo(n)nisse/wae(re)n henric vanden borch(oven) gielijs de rike wouter pynnoc jan van oppendorp/en(de) jan hertshals scepen(en) van loven(en) int jaer ons he(re)n dusent vierhond(er)t en(de)/xvi vii daege in novembr(i)