Cond si allen lieden dat h(er) wenselijn ts(er)claes ridde(r) es come(n) in jeg(en)wordich(eit) der/ scepen(en) van loven(en) en(de) heeft geg(even) en(de) bekendt dat hi gegeven heeft symone van haelwijn/ thof des selfs h(er) wencelijns geheten van wyneghem gelege(n) opde prochie van erpse/ met huysen hoven wynnende lande beemden eeusselen en(de) allen sine(n) toebehoerten Te/ houden te hebben en(de) te wynne(n) van halfmeye lestlen ene(n) t(er)mijn van vi jae(re)n lang/ deen nae dand(er) daer nae staphans volghende dats te weten de voirs(creven) wy(n)nende lande jaerlix/ om xvii mudde rogs en(de) xvi mudde evene(n) elx corens goet en(de) payabel der maten/ van loven(e) met wanne en(de) vleghele wel bereydt te s(ente) andries misse apostels te/ betalen en(de) [te loeven] te bruess(el) ocht te wyneghem te leve daert den voirs(creven) h(ere)n wencelijn best/ genuegen sal te leve(re)n den voirs(creven) t(er)mijn due(re)nde(n) en(de) telke(n) t(er)mine als vervolghde schout/ It(em) sal hebben de voirs(creven) wynne vii(½) boend(er) lants geheten dat buten lant gelegen/ inde prochie van erpse voirs(creven) elx jaers den voirs(creven) t(er)mijn due(re)nde o(m)me xv mudde/ corens half tarwe en(de) half rogghe goet en(de) payabel met wa(n)ne en(de) met vleghele/ wel bereydt der maten voirs(creven) te s(ente) andr(ies) misse te betalen en(de) te leve(re)n gelijc/ voirs(creven) es en(de) telke(n) t(er)mine als vervolghde schout It(em) sal hebben de voirs(creven) wy(n)ne/ een eeusel dat strect aen de lange eeusele uut genome(n) den beemt die daer uut/ ghevreedt es en(de) den [de weyde vande(n)] bog(ar)de daer bi gelege(n) den voirs(creven) hove toebehoe(re)nde jaerlex/ o(m)me xii holl(ansche) guld(en) te weten xxxiii pl(acken) brabantsch(e) munte(n) voer enen gul(den)/ gerekent Desgelijx sal de voirs(creven) wy(n)ne hebbe(n) den voirs(creven) t(er)mijn due(re)nde enen beemt/ geheten de waleweyne en(de) dbremeusel dat daer bi gelegen es jaerlex den voirs(creven)/ t(er)mijn due(re)nde o(m)me xviii mottoene te wete(n) xiiii pl(acken) der munte(n) voirs(creven) voer/ ene(n) mottoen gerek(en)t alle jae(re) te s(ente) m(er)tens misse te betale(n) en(de) telke(n) t(er)mine als/ vervolghde schout Item sal de voirs(creven) wynne doeft inden bog(ar)t ald(aer) wassende/ h(er) wencelijn voirs(creven) uuten bog(ar)de ald(aer) voe(r) uutkyesen ene(n) peerboem die hem genuegt/ van jae(re) te jae(re) en(de) dan voert sal de wy(n)ne dand(er) oeft jaerlex ter eerden leve(re)n op/ sine(n) cost en(de) deen helcht daer af hebben en(de) h(er)wencelijn dand(er) helcht en(de) de wy(n)ne/ sal h(er) wencelijns helcht te sine(n) huys [d(aer) hi woenen sal] vue(re)n Voert es vorw(er)de dat de voirs(creven) wy(n)ne/ de voirs(creven) lande laten [sal] in sine(n) afscheiden gelijc hier nae bescr(even) steet dat te weten/ ix(½) dach(mael) lants achter moens des wy(n)ne(n) [thuys symoens] voirs(creven) besaeydt met wynt(er)rogge uutgenome(n)/ een boend(er) dat besaeydt es [hi besayen sal] met tarwen ende iiii dach(mael) daer bi gelege(n) aen (de)/ strate int hornixke(n) bezaeydt met tarwen en(de) noch vier dach(mael) voer tcloester van/ cortenb(er)ge neve(n) wout(er)s bried(er)s bezaeydt met wynterrogge It(em) noch vii boender/ wynnens lants met wynter rogge bezaeydt op iiii voe(re)n It(em) een boender/ / bi hennen mathijs met evene(n) bezaeydt en(de) iii dachmael bi vranx van/ wijchmael bezaeydt half met ghersten en(de) half met evene(n) It(em) op den wytbosch/ aen dbloc iiii [iii(½)] dach(mael) bezaeydt met erweten It(em) opt bloc vii boend(er) en(de) i half/ dach(mael) daer af es bezaeydt ond(er) half [i(½)] boend(er) met ghersten en(de) v boend(er) en(de) een/ half dach(mael) met evene(n) It(em) de gherste op iii voe(re)n en(de) de evene op ii voe(re)n/ It(em) opt bloc viii boend(er) brake(n) It(em) vi dach(mael) brake(n) opt dauweschot Voert sal/ de voirs(creven) wynne den voirs(creven) h(ere)n wencelijn sijn hoey dat hi jaerlex hebbe(n) sal op/ sijn beemde die hi daer nu liggende heeft en(de) niet vorde(r) en(de) die den voirs(creven)/ hove niet toe en hoe(re)n halen en(de) b(ri)ngen met sine(n) wagene en(de) peerde(n) inde voirs(creven)/ woeni(n)ge en(de) niet vorde(r) Oec sal de voirs(creven) wy(n)ne den voirs(creven) h(ere)n wencelijn alle jae(re)/ halen met sine(n) wagene en(de) peerden alsulke(n) bernhout als de selve h(er) wencelijn op/ de voirs(creven) goede sal doen make(n) en(de) dat vue(re)n int voirs(creven) hof en(de) niet vorde(r) It(em)/ mach de voirs(creven) wynne alle jae(re) truncboeme truncke(n) ten behoerleke(n) tide en(de) de/ hage(n) sleene(n) tot sijnre b(er)ringe(n) behoef Waert oec dat daer enige boeme verdroeghde(n)/ die sal de selve wy(n)ne hebben en(de) voer elke(n) twee levende poeten vande(n) selven arde/ wed(er)setten It(em) sal de voirs(creven) wy(n)ne op de voirs(creven) goede alle jae(re) den voirs(creven) t(er)mijn/ due(re)nde viventwintich levende poeten setten It(em) sal de selve wy(n)ne alle jae(re) de/ voirs(creven) goede en(de) lant wynne(n) en(de) w(er)ven met sinen getidegen voe(re)n [en(de) oec] mesten ende/ bevrede(n) wel en(de) loflec en(de) die laten gewo(n)nen gemest en(de) bevreedt ten eynde/ van sinen t(er)mine alsoe hise vant in sinen incomen It(em) sal de voirs(creven) wy(n)ne den voirs(creven)/ h(ere)n wencelijn alle jae(re) een coe wynte(re)n en(de) zome(re)n gelijc de sinen It(em) oec soe sal/ de voirs(creven) wynne de beke ruymen die bi tvoirs(creven) goet loept in tide vand(er)e jae(re) als/ ment gewoenlec es te doen Voert sal de voirs(creven) wy(n)ne den voirs(creven) h(ere)n wencelijn/ halen met sine(n) wagene en(de) peerden alsulke(n) mest als de voirs(creven) h(er) wencelijn behoeve(n)/ sal op sine(n) wyng(ar)t gelege(n) op hoegelinge(n) inde prochie van erpse en(de) sijn/ wijng(ar)tstake(n) daer hise hem wisen sal halen en(de) dat mest en(de) stake(n) b(ri)ngen op/ den voirs(creven) wyng(ar)t It(em) sal de voirs(creven) wy(n)ne de huyse ald(aer) houden van wande [den vors(creven) t(er)mijn va(n) wande en(de)]/en(de) van dake vand(er) on en(de) de wande vand(er) ond(er)ster rikelen ned(er)w(er)t op sinen/ cost It(em) alle tstroe en(de) voestering[e] vande(n) voirs(creven) goede(n) comende [sal de wy(n)ne] b(ri)ngen int/ voirs(creven) hof en(de) te meste make(n) en(de) dat vue(re)n op tvoirs(creven) lant slants meesten/ p(ro)fite It(em) soe en mach de voirs(creven) h(er) wencelijn negheen beesten houden/ int voirs(creven) hof and(er)s dan de voirs(creven) coeye [coe] die de voirs(creven) wy(n)ne houde(n) sal/ uutgeschede(n) sijn capuyne en(de) twee ocht drie mestverkene It(em) wat meste dat/ de voirs(creven) wy(n)ne coept tvoirs(creven) lant mede te mesten d(aer) af sal de wy(n)ne de/ twee deel betalen en(de) h(er)wencelijn terdendeel alsoe v(er)re als hijt bewise(n) sal en(de)/[dat hijt] opt voirs(creven) goet bewijst heeft ghevuerdt heeft Voert es vorw(er)de waert dat/ de voirs(creven) wy(n)ne bynne(n) sine(n) voirs(creven) tide op de voirs(creven) goede enige schade hadde of/ name van tempeeste(n) ocht van gemeyne(n) orloge daer af sal de voirs(creven) h(er)wencelijn/ den voirs(creven) wy(n)ne rastoer doen gelijc ande(re) he(re)n hoe(re)n wy(n)ne(n) bove(n) en(de) beneden/ doen selen Ende alle dese voirs(creven) vorw(er)den en(de) geloften hebbe(n) geloeft de voirs(creven)/ h(er)wencelijn in deen side en(de) de wy(n)ne in dande(r) (et)c(etera) alb(us) nethene(n) junii xxviii