Cont sij allen liede(n) dat willem vand(er) borch d dat maghteld scosters weduv wijf wilen / was jans witten van tieldonc gheert ende jan hoir wetteghe soene(n) te voe(re)n uut hoir(en) moed(er) broede / sijn comen in jeg(ewordicheit) d(er) scep(enen) van lov(en) en(de) hebbe(n) genome(n) en(de) bekent dat si / genome(n) hebbe(n) van wille(m)me uut(er) helcht dieme(n) heet vand(er) borch thof des / sels willems geheten ter borch gelege(n) te tyeldonc met huysen hove(n) en(de) / sine(n) toebehoirte(n) geheten dned(er)hof met uutgenome(n) den oestal en(de) tvie(re)ndeel [dwa dbla lant met sine(n) toebeh(oirten)] /vander schue(re)n en(de) voirt alle [met] de(n) lande en(de) eusele(n) den vors(creven) hove toebehoe(re)nde / die hier na bescr(even) staen [uutgenome(n) den berch met sine(n) toebehoirte(n) den oestal en(de) tvie(re)ndeel vand(er) schuere(n)] / te weten es ix dachmael lands gelege(n) voir den / eyken Item derdalf dachmael [lants] gelege(n) opt cleynmorte(re) velt It(em) op mo sesdalf / boend(er) [lants] gelege(n) opt(er) velt gehete(n) dmorsbroec It(em) xi dachmael gelege(n) / in tween stucke(n) opt mortervelt Item op den cleyne(n) couthe(re) viii boend(er) / gelege(n) op den cleyne(n) couthe(re) en(de) op den groten couthe(re) It(em) iii vierdalf / boend(er) mette(n) bloexkene gelege(n) op darke Item ix dach(mael) beemds gehete(n) / den elst gelege(n) aen tvors(creven) hof It(em) iii dach(mael) beemds gelege(n) int moersbroec / It(em) x dach(mael) beemts gelege(n) in ene(n) stucke aen de quade brugge Item de weyde / optde warande gehete(n) ten eyken te houden te hebbe(n) en(de) te wy(n)nen tvors(creven) hof / lande l ende beemde alsoe si voir gescreve(n) staen van mey lest leden ene(n) / t(er)mijn van xii jae(re) lang deen na dand(er) d(aer) na staph(ans) volg(ende) elx jairs / dae(re)n by(n)nen o(m)me xxxix mudde rogs goet en(de) payabel wail ber(eydt) met / wa(n)ne en(de) met veede(re)n tieldoncschen pacht d(er) maten van lovene te s(ente) / andr(ies) apostels te betale(n) en(de) te lovene te leve(re)n of omte by(n)nen d(er) molen /nae tyeldonc dairt wille(m)me best ghenueghe(n) sal en(de) voirtmeer om / x r(ijnsche) gulden(en) goet en(de) gheve te s(ente) m(er)tens misse inden wynt(er) te betale(n) / alle jaere de(n) vors(creven) t(er)mijn duer(ende) en(de) telke(n) t(er)mine als v(er)volghde schout / It(em) suelen noch hebbe(n) de vors(creven) wy(n)nen den bog(ar)t gelege(n) tussche(n) de schue(re) / vande(n) vors(creven) hove en(de) den oestal jairlex op alle de helcht vanden oefte / dat inden bog(ar)t wassen sal welc oeft si den vor [de wy(n)nen] op hoire(n) cost ter erden / doen soelen en(de) willems helecht voere(n) dair h tot sine(n) huys Item es / vorwerde dat de vors(creven) wy(n)nen [jairlex] de vors(creven) goede en(de) w lande wy(n)nen soelen /gelijc ho wel en(de) loflec gelijc hoire(n) reenghenote(n) en(de) de selve lande late(n) / ten eynde van sine(n) [hoire(n) vors(creven)] t(er)mine ind(er) manie(re)n als hier nae volght te wete(n) de vors(creven) / iii(½) boend(er) op darke gelege(n) mette(n) boexken wel loflec besaeyt met rogghe / en(de) met tarwe(n) op sijn tidege voe(re)n It(em) de ix dach(mael) voer den eyke(n) / gelege(n) besaeyt met rogge op iiii tidege voe(re)n Ite(m) de ii(½) dach(mael) gelege(n) opt / cleymortervelt besaeyt met rogge en(de) met tarwe(n) It(em) de sesdalf boend(er) / gelege(n) opt moersbroec [velt] wel en(de) loflec besaeyt met evene(n) en(de) met / ghersten Item de xi dach(mael) opt mortervelt gelege(n) in tween stucke(n) / wel en(de) loflec besaeyt mer zom(er)coerne It(em) de viii boender op den cleyne(n) /[couthe(re)] en(de) op den grote(n) couthe(re) brake eens o(m)me gedaen En(de) d(er) en soelen de vors(creven) wy(n)ne(n) / en selen ten leste iii jae(re)n gheen lant moghe(n) hoirvruchten It(em) de voirs(creven)
//
wynne(n) soelen alle jae(re) den vors(creven) t(er)mijn duer(ende) wel en(de) loflec merghele(n) op / hoire(n) cost een boend(er) vanden vors(creven) lande slants p(ro)fite en(de) gelijc hoire(n) / reenghenote(n) It(em) soelen de vors(creven) wy(n)nen allet stroe en(de) voesteringhe dat / vanden vors(creven) lande [jairlex] come(n) sal int vors(creven) hof vuere(n) en(de) dat ald(aer) etten / en(de) v(er)te(re)n met sine(n) [hoere(n)] beesten en(de) te meste make(n) en(de) allet mest dat dair af / come(n) sal opt(er) vors(creven) lant vuere(n) slants meesten p(ro)fite en(de) dairs best / te doen sijn sal Ite(m) en sal hi soelen si ten lesten jae(r) gheen mest / moge(n) uutvue(re)n t(er)? and(er)s dan opt vors(creven) lant It(em) soelen de vors(creven) wy(n)nen / jairlex leve(re)n xlv ma(n)delen walme(re) de huyse [ald(aer)] mede te decken en(de) alsme(n) / die verdect dan soele(n) si den deckers diene(n) en(de) hen den montcost gheve(n) / en(de) de vors(creven) wille(m) sal de dachue(re)n betale(n) It(em) waert alsoe dat int vors(creven)/hof [hof] nederhof gheviele yet te ty(m)me(re)n [of te maken] datme(n) op ene(n) dach maken mochte / dat soud soele(n) de wy(n)ne(n) doen maken op hoire(n) cost sond(er) argelist / It(em) soelen de wy(n)nen moghen truncke(n) alle alle jaire de trunckeyken / aen tvors(creven) lant staende voert soe sal wille(m) vorscr(even) [jairlex] alle de truncwillege(n) / op tvors(creven) goet staende doen houwe(n) en(de) truncke(n) tot sine(n) p(ro)fite en(de) dairaf / doen maken staken en(de) dair af soele(n) de vors(creven) wy(n)nen den afval hebbe(n) / de goede mede te v(er)makene en(de) waer hen meer [willege(n)] behoefden mede de te v(er)make(n) / die sal hen willem wisen dairt hem gelieve(n) sal en(de) van desen trunchoute / soe soelen si jairlex sette(n) xxv poten op de vors(creven) goede en(de) waert dat / opt vors(creven) goet eneghe willege(n) verdroeghde(n) die soelen de vors(creven) wy(n)nen / moge(n) afhouwe(n) en(de) dair voe(r) elke v(er)droeghde willege ii pote(n) wed(er)sette(n) / sond(er) afcorte(n) vande(n) vors(creven) xxv poten It(em) soelen si jairlex vuere(n) willeme / ii[m] stake(n) op sine(n) wyng(ar)t It(em) soele(n) de vors(creven) wy(n)ne(n) jairlex den vors(creven) / wille(m)me v[c] mutsaert en(de) vii wisse(n) houts halen dair hi dat sal doen / houwe(n) en(de) hem dat thuys hebbe(n) b(ri)nge(n) Ite(m) soele(n) de vors(creven) wy(n)nen alle / jae(re) den vors(creven) t(er)mijn duer(ende) jairlex houden op hoire(n) cost den vors(creven) wille(m)me / ii verkene gelijc den sine [hoiren] Ite(m) soele(n) de [selve] wynne(n) den vors(creven) wille(m)me houden / den vors(creven) t(er)mij(n) duer(ende) ten iii alsoe vele schape als si bederve(n) op [soelen] / te iii jae(re)n altoes te deylne en(de) d(aer) toe soele(n) si ene(n) goede(n) scheep houde(n) / op hoire(n) cost voertmeer sal wille(m) vors(creven) jairlex moge(n) gaen ond(er) sijn / scape en(de) uutneme(n) die quaetste behoudelec den wy(n)nen hoer verboede(n) / It(em) en soele(n) der vors(creven) wy(n)nen beeste(n) niet moghen gaen in den willems / spruten die staen soele(n) in den elft op dyerste jair als hi gehoude(n) es gehouwe(n) es / Ite(m) soelen de wy(n)nen jairlex hebbe(n) ene de note van ene(n) noetbome / die sie slaen moghe(n) altijt [alst tijt] es It(em) es vorw(er)de dat de vors(creven) wy(n)nen ten / eynde van hoire(n) vors(creven) t(er)mine wel en(de) loflec bevrede(n) en(de) v(er)mak(en) soele(n) / de vors(creven) goede lant lande en(de) beemde It(em) es vorw(er)de wairt alsoe dat / int vors(creven) hof brant gheviele van die toeq(ua)me mids ocsuyn d(er) vors(creven) wy(n)nen / of hoir(en) boden dat got verhuede(n) moete dair voir [die schade] soele(n) si den vors(creven) wille(m) /gheve(n) oprichte(n) en(de) hem d(aer) voir tot c hollan(tsche) guld(en) toe en(de) niet voerde(r)
//
en(de) altoes na gelande vand(er) schaden Ite(m) waert alsoe dat de vors(creven) wy(n)nen / schade hadde(n) of lede(n) van tempeeste(n) of van gemeyne(n) orloge dair voir / sal hem wille(m) rastoir doen gelijc ande(re) he(re)n [en(de) goede liede] hoire(n) wy(n)ne(n) bove(n) en(de) / benede(n) doen soele(n) It(em) w(er)t alsoe dat den vors(creven) willem of sine(n) wy(n)nen / geliefd te scheden ter ten vi jae(re)n dat soele(n) si moghe(n) doen maer / deen salt den ande(re)n een jaer te voe(re)n segge(n) En(de) alle dese vorw(er)de(n) / en(de) condicie(n) voirscr(even) etc(etera)/ h(ier) af sijn borge(n) d(er) vors(creven) wy(n)ne(n) willem van bulle bullenstrate(n) / dieme(n) heet scosters [van tieldonc] en(de) jan stockincs van meerbeke et tres p(ri)mi / h(er)tsh(als) lynden febr(uarii) xvi /