Item van alzulken stoete als opverstaen es tusschen/margrieten janne van lynt en(de) m(ar)grieten vanden/velde [venne] in deen zijde en(de) katline dochter gielijs wilen/ vanden venne zuster der voirs(creven) margrieten in dander zijde/ spruyten(de) van alzulken haefliken goeden als den voirs(creven)/ ghesuste(re)n bleven en(de) aengestorven sijn van hue(r) beyd(er) vad(er)/ en(de) moed(er) (ende)? hebben hen de voirs(creven) jan en(de) m(ar)griete/ en(de) oec katline [eendrechtelic] gesubmitteert in segge(re)n en(de)/ vrintlike yffene(re)n Te weten de voirs(creven) jan en(de) m(ar)griete/ in arnde en(de) janne vanden elzen gebruede(re)n oemen/ der voirs(creven) ghezuste(re)n op also dat de voirs(creven) segge(re)n/ elk(er) p(ar)tien bescheit yerst aengehoert en(de) ov(er)gehadt/ hue(r) seggen d(aer) af voer scepen(en) van [loven] uutspreken zullen/ tusschen dit en(de) halfvasten neestcomen(de) op dat/ sijs eens en(de) van accorde sijn en(de) oft des niet en/ wae(r) so zullen dan de voirs(creven) p(ar)tijen wed(er) op hue(r)/ yerste voete staen also sij wae(re)n voe(r) desen v(er)bonde/ Geloven(de) abs(oloens) febr(uarii) xiiii