Item jan van ranst van raemsdonc soene laureys wilen van/ raemsdonc in jeg(ewordicheit) der scepen(en) van loven(en) gestaen heeft genome(n)/ en(de) bekent dat hij genomen heeft van brueder henricke necker?/ rectoer des godshuys vanden elef dusent maeghden binne(n)/ loven tot de goeden des selfs godshuys te weten tgoed/ geheten tputtarts goet gelegen te raemsdonc [wildebrouc] over de b(eke)?/ en(de) (½) boender beemts gelegen neven tsheilichs gheests/ beemde aldaer [aen tschaetbroec inde prochie van raemsdonc] Te houden en(de) te hebben van halfmeerte/ neestleden eenen t(er)mijn van sesse jae(re)n langc deen na
//
dander staphans sonder myddel volgende elx jaers/ dae(re)n bynnen o(m)me en(de) op sesse schilde d(er) mu(n)ten/ van loven van goude goet en(de) gheeve en(de) seven/ veertelen rox goet en(de) payabel der maten van/ mechlen tsente m(er)tens misse de voirs(creven) scilde te/ bealen en(de) te loven te leve(re)n en(de) tsente andriesmisse/tvor den voirs(creven) rogge te betalen en(de) te mechlen te/ leve(re)n alle jae(re) den voirs(creven) t(er)mijn due(re)nde en(de) telken/ t(er)mijn als v(er)volghde schout Item es vurw(er)de dat/ de voirs(creven) jan allen tsijs en(de) co(m)mer uuten voirs(creven)/ goeden gaende den voirs(creven) t(er)mijn due(re)nde jairlix/ gelden en(de) betalen sall also datt(er) den voirs(creven) godshuyse/ egheenen commer noch last aff en come Item sall/ de voirs(creven) jan de eycken oft op de voirs(creven) goede stae(n)de/ bynnen den voirs(creven) t(er)mijn eens mogen truncken en(de)/ tot zulken tide vanden jae(re) datter den g [godshuyse] egheen/ scade af en come Item en sall de voirs(creven) jan egheen/ opgaende hout moghen truncken It(em) sall de voirs(creven)/ jan bynnen den voirs(creven) t(er)mijn eens op de voirs(creven)/ goede xxxvi levende willege poten setten/ It(em) sall de voirs(creven) jan de voirs(creven) weechout mogen/ truncken alle drie jae(re)n Sal oec de voirs(creven) jan/ de vreden omtr grechten en(de) ryoelen omtrint den/ voirs(creven) goeden houden opgraven ruymen en(de) verwae(re)n/ den voirs(creven) t(er)mijn due(re)nde gelijc sine(n) reengenoete(n)/ boven en(de) beneden En(de) alle dese vurw(er)den (et)c(etera)/ borch(oven) k(er)smake(re) maii s(e)c(un)da