Item cornelijs van hoezen van nyeneven wonen(de) te bruessell/ in jegewordicheit der scepenen van loven gestaen heeft geloeft/ willeme van welle den jonghen lxxii gulden peters d(er) mu(n)ten/ h(er)toge philips h(er)toge van bourg(oign)[en] en(de) van brabant also nu/ gemeynlic in borsen gaen op den xxiiii[sten] dach der maent/ van novembri nu neestcomen(de) te betalen als vervolghde/ schout tot welken daghe voirg(eruert) de voirs(creven) willem ghe/ loeft heeft bynnen der stat van loven te leve(re)n een last/ smouts metten vaten al vol en(de) zoete en(de) also deen coopma(n)/ den ande(re)n alsulken ware sculdich es te leve(re)n den voirs(creven)/ cornelise van hoezen oec als schout metten rechte verwo(n)nen/ en(de) verrect verreict Op dese vueghe ghebuerdet dat de/ voirs(creven) willem ten voirscr(even) dage den voirs(creven) cornelise tvoirs(creven)/ smout gelijc voirs(creven) [es] niet en leverde so soude de voirs(creven) corne/ lijs [vand(er) voirs(creven) sommen te betalen ongehouden sijn maer soude dan] selve bynnen loven coepen een last smouts also voirs(creven)/ steet niet vanden meesten noch vanden mynsten maer/ vanden myddelsten prijse ende coste de last daer af meer/ dan de somme gelts boven genoemt gedreeght so soude/dat de voirs(creven) willem den voirs(creven) cornelise tgheene dat/ meer gedroege t(er) stont en(de) sond(er) myddel uutreicken en(de)/ betalen Coste de voirs(creven) last oec myn dan de voirs(creven) so(m)me/ gedreeght so soude de voirs(creven) cornelijs willem(me) tgheene/ dat het myn gedroege t(er) stont opleggen tot dat de voirs(creven)/ so(m)me volvuert wae(r)