Cond zij allen lieden dat joh(ann)es geheten moens soen willems geheten moens/ heeft geconsenteert en(de) gewillecoert dat henric soen jans van coudenberghe/ geheten rolibuc en(de) gielijs van keysberghen van bruessel quijten selen moegen/ en(de) lossen soe wanneer hen beiden of den eenen van hen dat gelieven sall eens/ en(de) tenen male alzulke sesse gulden pe(n)ingen geheten pet(er)s der muynten van/ loven(e) en(de) viere florine gulden(en) pe pe(n)ingen geheten rinschegulden(en) der/ muynten der vier schoervorste(re)n goede en(de) geeve jaerlex erfs sijs half/ te kersmisse en(de) half te sente jansmisse a baptisten te vergelden(e) alse de/ voirs(creven) joh(ann)es moens tande(re)n tiden te weten inden jae(re) ons hee(re)n m cccc xxxii[o]/ xxv daghe in oeghste lest lede(n) cochte en(de) gecreech jegen den voirs(creven) gielijse/ van keysbergen op zeke(r) goede en(de) tsijse te nossegem bid(er) caudertavernen/ en(de) te vilvorden gelegen en(de) voe(r) meyer en(de) scepen(en) van loven d(aer) af geguydt/ was e gelijc der voirs(creven) scepen(en) brieven daer daer op gemaect dat/ cleerlic inhoude(n) en(de) begripen Te weten elken vanden voirg(eruerde) guld(en) pet(er)s/ en(de) rinsche gulden(en) om en(de) mids achtiene geliker gulden(en) peningen/ geheten pet(er)s en(de) rijnsche gulden(en) der muynten en(de) werden vande(n) t(er)mijne/ inde voirs(creven) pri(n)cipalen brieven begrepen eens d(aer) voere te gevenen en(de)/ metten sijse vanden t(er)mijne die naest den dach van quijtingen vallen/ en(de) verschine(n) sall Eest(er) velde naen novembr(is) ultima